Novas BNG Comarca A Coruña

Que a Torre de Hércules non pare de alumear

Sun, 15 Jan 2012 21:30:20 GMT

A Coruña, 15 de xaneiro de 2012.- O BNG apoia aos traballadores da Torre de Hércules en conflito. Perto de mil persoas abrazaron a Torre para impedir que peche o faro e que despidan aos traballadores da empresa que tiña a concesión do mantemento da mesma. Xurxo Souto leu unhas palabras emotivas e divertidas sobre o conflito e as dificultades que ten o PP para manter aberto o faro bimilenario por causa dunhas pingueiras. Os concentrados diante da Torre pediron a demisión da concelleira de Cultura. Os dous sindicalistas pechados e en folga de fame baixaron e foron recibidos con alegría por todos os presentes. Os traballadores están dispostos a resistir. "O que faga falta" dixo Adolfo Naya, un dos delegados sindicais (CIG), que estivo pechado na Torre xunto a outro de UGT.

Espérase que o goberno da Coruña sexa sensible ás reivindicacións destes traballadores e que non invente escusas sobre a necesidade de pechar a Torre por unhas tarefas mínimas de mantemento. Parece que quere facerlle o traballo á próxima empresa concesionaria e non subrogar aos traballadores como é habitual.

Charla de sanidade en Arteixo: preocupación polos recortes, centro de saúde tipo PFI

Sun, 25 Dec 2011 20:19:27 GMT

Arteixo, 22 de decembro de 2011.- O BNG de Arteixo organizou unha charla sobre sanidade pola preocupación cidadá polos recortes sanitarios e para informar das características dos centros, como o futuro de Vilarrodrís, financiados polo sistema de financiamento privado. Silvia Seixas, portavoz municipal do BNG no Concello de Arteixo, presentou o acto e participaron Xoán Sande, portavoz municipal do BNG na Laracha e membro da Comisión de Sanidade do BNG e Ramón Veras, responsable da Comisión de Sanidade do BNG e membro da Plataforma de defensa e mellora da sanidade pública de A Coruña.

Información sobre recortes sanitarios e alternativas en Bergondo

Sun, 25 Dec 2011 20:30:34 GMT

Bergondo, 13 de decembro de 2011.- O BNG de Bergondo organizou un acto informativo sobre os recortes do PP na sanidade e as posibles alternativas. A preocupación destes días da desactivación das tarxetas sanitarias realizada polo Sergas está no centro do debate.

Antón Sánchez, portavoz do BNG no Concello de Bergondo, explicou as preguntas e alarma recibida no grupo municipal polos cidadáns, o que motivou a organización do acto.

O BNG pide a maior repulsa social para quen use a violencia coas mulleres

Mon, 12 Dec 2011 15:36:11 GMT

A Coruña, 12 de decembro de 2011.- O BNG expresa a máis enérxica condea do asasinato dunha muller en Carral, vítima da violencia machista.

O BNG reclámalle á Xunta que poña en marcha as medidas previstas contra a Violencia de Xénero

Mon, 28 Nov 2011 00:59:47 GMT

A Coruña, 25 de novembro de 2011.- A responsábel comarcal do BNG, Silvia Seixas, anuncia a presentación de mocións nos concellos de toda a comarca contra a violencia de xénero e nas que esixe compromiso coas políticas de igualdade, unha proposta que xa foi presentada en Pleno polos nacionalistas no Concello da Coruña, mais que o PP impediu debater.

Fin de campaña electoral na Coruña: Calor, ilusión, forza e compromiso co futuro

Sat, 19 Nov 2011 20:54:43 GMT

A Coruña, 18 de novembro de 2011.- Hoxe foi o mitin de fin de campaña do BNG na Coruña. Un Palexco abarrotado, con xente fóra nos pasillos. Unha presentación orixinal e con forza de Isabel Risco. Participación de Xosé Manuel Carril, Dores Martínez Castelo, Antón Sánchez, Rosana Pérez, Guillerme Vázquez e Francisco Jorquera que foron destacando as claves desta campaña e do futuro.

En destaque: o compromiso do BNG con Galiza e coa maioría social, para facer fronte aos mercados, aos avaros poderes económicos, e ser un muro contra as posibles políticas do PP se gaña as eleccións. Unha chamada a superar o bipartidismo estéril. Unha chamada a superar o cambio de caras pero non de contidos.

Unha petición do voto máis útil en Galiza para a cidadanía e para Galiza: o voto para o BNG.

Guillerme anima a votar "a alternativa galega e de esquerdas, o BNG"

Sat, 19 Nov 2011 18:34:38 GMT

A Coruña, 16 de novembro de 2011.- Guillerme Vázquez participou esta mañá nun reparto electoral na Feira de Betanzos, acompañado do candidato ao Senado Antón Sánchez, e cargos orgánicos e institucionais do BNG da comarca.

O BNG aposta polo traballo e salarios dignos como chave para reactivar a economía

Sat, 19 Nov 2011 17:39:47 GMT

A Coruña, 16 de novembro de 2011.- O BNG celebrou esta mañá un encontro sobre economía e emprego. Guillerme Vázquez dixo que a única alternativa, a única saída a esta situación, é a democracia, traballo, salarios dignos, pensións dignas".

Jorquera afirma que é máis necesario que nunca reforzar o BNG

Fri, 18 Nov 2011 00:35:21 GMT

A Coruña, 15 de novembro de 2011.- O cabeza de lista do BNG ao Congreso por A Coruña, Francisco Jorquera, percorreu esta mañá o mercado coruñés das Conchiñas onde repartiu propaganda electoral e realizou unhas declaracións aos medios de comunicación.

O candidato do BNG defendeu ao pequeno comercio e advertiu que se o PP gaña as eleccións "apostará pola liberalización plena de horarios comerciais"

Mitin en Montealto

Thu, 17 Nov 2011 23:40:48 GMT

A Coruña, 14 de novembro de 2011.- Cun salón de actos cheo iniciou o acto María Xosé Bravo, seguíu Carlos Aymerich e rematou Dores Martínez Castelo.

Os asistentes ao acto escoitaron, escandalizados, o relato que facía Carlos Aymerich das últimas decisións de Feijoo e Farjas en Sanidade ao retirar a asistencia sanitaria e farmacéutica a persoas sen recursos e parados que agotaron as prestacións de desemprego, chamados parados código 29. Sen avisar, cando van pedir cita ou intentar retirar medicación da receita electrónica na farmacia, encóntranse que nin lles dan cita para o médico nin lles dan ningún medicamento. Nese momento son informados que perderon o dereito a asistencia sanitaria e que teñen que facer uns trámites. Mentres buscan os papeis e se fan os trámites (que poden durar ata 6-7 meses) estas persoas non teñen médico asignado, só serán atendidos en situación de urxencia e ademais teñen que asinar un compromiso de pago se o Sergas lles factura o servizo, xa que son considerados como pacientes 'privados'.

En Galiza hai 65000 familias sen recursos polo que cando menos xa temos un número de afectados. Pero, ademais, tendo en conta a situación actual de crise, quen pode asegurar que mañá non pecha a súa empresa e se encontra na rúa e ademais sen asistencia sanitaria. Feijoo e Farjas castigan, dun modo inhumano, aos máis vulnerables, aos que teñen máis necesidade de protección. O BNG demanda a retirada inmediata destas decisións da Xunta.

Axenda electoral 17 e 18 de novembro: Burgo-Culleredo, Cambre, Programa de Sanidade e o Mitin de Peche de Campaña na Coruña, en Palexco

Thu, 17 Nov 2011 06:55:55 GMT

Xoves 17 de novembro

20 horas: Mitin no Burgo-Culleredo, no Edificio de Servizos Múltiples. Participan Raquel Jabares e Antón Sánchez.

20 horas: Mitin en Cambre, no Centro Sociocultural O Graxal. Participan Alfredo Rodríguez Abella e Dores Martínez Castelo.

20 horas: Presentación do programa de sanidade no Colexio Médico de A Coruña. Participa Ana Luisa Bouza

Venres 18 de novembro

20 horas: Mitin de peche de campaña en PALEXCO. Participan Xosé Manuel Carril, Dores Martínez Castelo, Antón Sánchez, Rosana Pérez, Guillerme Vázquez e Francisco Jorquera

Axenda electoral 16 de novembro: Betanzos, Oleiros e A Coruña (na Sagrada Familia-Os Mallos) e acto cos delegados sindicais de CIG

Wed, 16 Nov 2011 06:35:07 GMT

10,15 horas: Acto con delegados sindicais de CIG, no Hotel Attica 21. Participan Dores Martínez Castelo, Guillerme Vázquez e Francisco Jorquera.

12 horas: Feira en Betanzos. Participa Antón Sánchez.

20 horas: Mitin na Coruña, na Sagrada Familia-Os Mallos, no CEIP Sagrada Familia, perto da Avda Finisterre. Participan Ermitas Valencia, Pilar García Negro e Antón Sánchez.

20,30 horas: Mitin en Oleiros, nas Torres de Santa Cruz. Participan Manuel Sarmiento, Loy e Carlos Aymerich

Repartos electorais na Coruña

11,30 horas: Os Mallos, na rúa Ángel Senra

18 horas: Sagrada Familia e Os Mallos (no Banco Pastor, no cruce da Rolda de Outeiro e Avenida de Arteixo

Axenda electoral 15 de novembro: Arteixo, Oza dos Ríos e A Coruña (no Birloque, CEIP Alborada)

Mon, 14 Nov 2011 23:50:13 GMT

20 horas: Mitin na Coruña. No Birloque. CEIP Alborada. Participan María Xosé Bravo, Dores Martínez Castelo e Ana Luisa Bouza.

20 horas: Acto en Arteixo. No Centro de Xuventude. Participan Silvia Seixas e Carlos Aymerich.

20,30 horas: Mitin en Oza dos Ríos. Participan Estefanía Busto, Pura Ferreño e Antón Sánchez.

Repartos electorais na Coruña:

11,30 horas: Aparcadoiro do Complexo Deportivo de Elviña.

11,30 horas: Mercadiño dos Mallos

18 horas: Diante do Gadis

18 horas: Cruce da Rolda de Outeiro coa Avenida de Arteixo

Programa Coruñés Opina: Jorquera centra o debate nas preocupacións da cidadanía

Sun, 13 Nov 2011 22:28:32 GMT

A Coruña, 13 de novembro de 2011.- Francisco Jorquera estivo esta mañá no programa O Coruñés Opina, de Radio Coruña. Foi no debate electoral que organiza esta emisora antes de cada elección. Participaron tamén Francisco Caamaño, polo PSOE, e Antonio Erias, polo PP.

Francisco Jorquera destacou no debate tanto pola seriedade das propostas e a súa argumentación como pola capacidade de contestar a cada un dos outros candidatos e situalos nun nivel inferior.

Axenda electoral 14 de novembro: Miño, Cambre, Arteixo (Meicende), Betanzos (Infesta) e A Coruña (CEIP Curros Enríquez)

Sun, 13 Nov 2011 20:04:23 GMT

12 horas: Acto en Miño: Urbanismo. Participan Santiago González e Carlos Aymerich.

20 horas: Mitin na Coruña. CEIP Curros Enríquez. Participan Xosé Manuel Carril, Dores Martínez Castelo e Carlos Aymerich.

20 horas: Acto en Meicende. Local da AAVV. Participan Xurxo Fernández Couto e Silvia Seixas.

20 horas: Acto en Betanzos. En Infesta. Participan Xosé Vales e Henrique del Río.

20,15 horas: Mitin en Cambre. No Centro sociocultural A Barcala (a carón do Instituto. Piscina da Barcala). Participan Alfredo Rodríguez e Ana Luisa Bouza

Repartos electorais en A Coruña:

11,30 horas: Lagoas/Adormideras

18 horas: Campo de Marte

18 horas: Diante do Gadis da Segunda Fase de Elviña

Axenda electoral 13 de novembro: Feirón en Carral. Feirón en Abegondo. Programa Coruñés Opina. Romaría en Culleredo. Mitin en Bergondo

Sun, 13 Nov 2011 08:58:05 GMT

11,30 horas: Feirón en Carral. Participan María Xosé Bravo e Dores Martínez Castelo

12 horas: Feirón en Abegondo. Participa Antón Sánchez

12 horas: Programa Coruñés Opina, da Cadena Ser, no Hotel Meliá María Pita (con invitación). Participa Francisco Jorquera

18,30 horas: Mitin en Bergondo. Na Casa da Cultura. Participa Arantza Rodríguez Simón, Carlos Aymerich e Antón Sánchez

Repartos electorais:

12 horas: San Vicenzo de Elviña

12 horas: Bens

Axenda electoral 12 de novembro: 21,30 horas Cea en Cambre (Finca O Cenador), 10,30 Marcha pola N-VI (Mesón Os Patos)

Fri, 11 Nov 2011 20:10:46 GMT

10,30 horas: Marcha pola N-VI. Saída do Mesón Os Patos, en Cortiñán, e remata nas Angustias. Punto de encontro: Mesón Os Patos, ás 10 horas. Participan Carlos Aymerich, Ana Luisa Bouza, Antón Sánchez (candidato ao Senado) e Francisco Jorquera (candidato ao Congreso).

21,30 horas: Cea en Cambre, no Restaurante Finca O Cenador, no centro de Cambre. Falarán no acto Francisco Rodríguez e Antón Sánchez.

Repartos electorais:

En Arteixo: ás 12 horas en Meicende

En A Coruña: ás 12 horas na Cidade Vella e tamén nas Lagoas, saíndo do Reloxio e chegando ata o Campo de Marte

A Xunta, con arrogancia, en plena campaña, reduce prestacións sanitarias a cotío

Thu, 10 Nov 2011 23:49:07 GMT

A Coruña, 10 de novembro de 2011.- O BNG está facendo visible o programa oculto do PP. Este leva varios días, en plena camaña electoral, sen rubor, publicando medidas normativas que reducen as prestacións sanitarias, o que se pode interpretar como o avance do copago. Medidas restritivas que van dirixidas, en primeiro lugar, ás persoas con menos recursos pero que poden afectar a calquera persoa, tendo en conta sobre todo a brutal crise socioeconómica actual.

"As medidas do BNG son unha alternativa para unha saída social á crise e ao servizo de Galiza", afirma Jorquera

Thu, 10 Nov 2011 21:53:34 GMT

A Coruña, 10 de novembro de 2011.- O cabeza de lista do BNG ao Congreso por A Coruña, Francisco Jorquera, explicou esta mañá nunha conferencia pronunciada no Foro Nova Economía en A Coruña as medidas do BNG para superar o actual momento de crise económica.

Jorquera explicou que as propostas do BNG son unha alternativa para unha saída social á crise, unha alternativa para a reforma institucional do Estado e unha alternativa ao servizo dos intereses de Galiza. Lembrou a orixe da crise que sitou no modelo con predominio da economía especulativa. Por iso, explicitou a oposición do BNG ás políticas económicas imperantes xa que non atacan as causas da crise, non son eficaces para a recuperación e reparten inxustamente os custes da crise.

Axenda electoral 11 de novembro: 20 horas Mitin na Coruña (CEIP San Francisco Xabier), en Sada (Casa da Cultura) e en Cerceda (Aula de Cultura)

Thu, 10 Nov 2011 21:26:00 GMT

20 horas: Mitin en Sada. Na Casa da Cultura. Participan Abel López Soto, Carlos Aymerich e Antón Sánchez, candidato ao Senado.

20 horas: Mitin na Coruña. No CEIP San Francisco Xabier, na Cubela. Participan María Xosé Bravo, Dores Martínez Castelo e Francisco Rodríguez.

21 horas: Mitin en Cerceda. Na Aula da Cultura. Participan Rocío da Igrexa e Evencio Ferrero, Alcalde de Carballo e candidato ao Congreso.

21 horas: Desconcerto en Betanzos. Organiza Galiza Nova. No Matadoiro da Ribeira, en Betanzos.

Repartos electorais:

11,30 horas: Praza da Cubela-Catro Camiños.

18,00 horas: Praza da Cubela-Catro Camiños