Novas BNG Concello A Laracha

O PP da Laracha di que hai que arranxar a Praza do Xeneralísimo, que eles mesmos destrozan cos seus vehículos particulares

Tue, 24 Jan 2012 14:06:33 GMT

Parece ser que o goberno municipal do PP da Laracha pretende abordar o arranxo da “Praza do Xeneralísimo Franco” da Laracha, á que seguen a referirse como “Praza do Concello”, aínda que se negan a cambiarlle o seu verdadeiro nome incumprindo así a “Lei da Memoria Histórica”. Non é de extrañar o estado desta praza, coa maior parte das losetas deterioradas, cando a diario o Alcalde da Laracha e membros do goberno do Partido Popular entran cos seus vehículos particulares na mesma e permanecen estacionados alí. Unha continua entrada e saída de vehículos de membros do goberno, que evidentemente levan ao levantamento da maior parte das losetas.

O BNG da Laracha reclama o arranxo da estrada Comarcal 552

Sat, 21 Jan 2012 18:54:01 GMT

O Grupo Municipal do BNG da Laracha presentou unha iniciativa mediante a que demanda o arranxo da estrada Comarcal 552 (A Coruña-Fisterra), ao seu paso polo noso termo municipal. O estado no que se atopa esta vía de comunicación fundamental para o noso concello é absolutamente lamentábel, e desde o BNG esiximos que se aborde de xeito prioritario o seu arranxo.

O BNG demanda que a cita telefónica para o médico de cabeceira sexa atendida por persoas e non por unha máquina

Tue, 17 Jan 2012 14:31:06 GMT

O Grupo Municipal do BNG presentou unha iniciativa para ser debatida no próximo Pleno da Corporación, para demandar da Xunta de Galiza melloras na atención sanitaria no noso concello. O BNG insta á Xunta do PP a dar marcha atrás nas súas iniciativas privatizadoras e de recortes. Queremos que os veciños e veciñas da Laracha poidan pedir cita para o médico por teléfono, xa que desde a posta en marcha da "Central de Chamadas" para moita xente isto resulta imposíbel. Demandamos que volvan ser traballadoras e traballadores do Sergas os que atendan a cita previa, que se substitúa ao persoal do Centro de Saúde da Laracha e o Consultorio de Caión nas baixas, vacacións e permisos, e tamén que se dote ao Centro de Saúde da Laracha de consultas médicas e servizo de cita previa en horario de tarde, igual que todos os demais concellos de máis de 10.000 habitantes.

O BNG pregunta á Xunta de Feijoo polos procesos abertos contra o Alcalde da Laracha e a Conselleira do Mar

Fri, 13 Jan 2012 18:24:46 GMT

O BNG presentou unha iniciativa no Parlamento Galego, mediante a que pide explicacións ao goberno galego dos procesos abertos contra o Alcalde da Laracha, o Patrón Maior da Confraría de Caión e a Conselleira do Mar. O Portavoz do Grupo Parlamentar do BNG, Carlos Aymerich, xunto co Portavoz Municipal na Laracha, Xoán M. Sande, presentaron en rolda de prensa esta iniciativa.

O alcalde da Laracha segue sen dar explicacións das súas imputacións

Mon, 09 Jan 2012 20:27:54 GMT

O Sr. José Manuel López Varela, Alcalde da Laracha, continúa sen dar explicacións dos procesos xudiciais nos que está inmerso. Cada vez que o BNG pide explicacións con preguntas formuladas en Pleno, limítase a rexeitar a existencia de proceso algún e négase a dar explicacións destos procedementos que evidentemente existen.

O BNG da Laracha oponse aos peores orzamentos municipais da historia

Tue, 03 Jan 2012 16:57:25 GMT

O concello da Laracha disporá no vindeiro ano 2012 de 900.000 euros menos que neste ano, pero manterase o gasto en propaganda, actos protocolarios, e soldos do goberno.

A redución drástica será no apartado de investimentos.

As chapuzas do PP co campo de fútbol de Caión

Fri, 16 Dec 2011 18:09:29 GMT

De sobras coñecido é o asunto do Campo de Futbol de Caión, onde entre o goberno municipal do PP da Laracha e a Confraría de Caión perpetraron un presunto “pelotazo urbanístico” frustrado pola crise económica.

Efectivamente, os vecinos e veciñas de Caión quedaron sen o Campo de Fútbol da Ínsua, en virtude dun convenio asinado polo Patrón Maior Evaristo Lareo e o Alcalde da Laracha José M. López Varela, convenio que foi incluido no PXOM aprobado polo Partido Popular. A día de hoxe, onde había campo de fútbol e se ían construír 60 apartamentos de luxo, resulta que só hai un descampado, e a vila de Caión non ten campo de fútbol.

Hai máis dun ano o Concello da Laracha e a Xunta de Galiza asinaron un convenio para a construcción dun novo campo de fútbol en Caión, a varios kilómetros do núcleo. A Xunta consignou algo máis dun millón de euros para destinar a dita construcción, e o Concello da Laracha expropiou os terreos.

Nestos momentos está aberto o prazo de exposición ao público do trámite ambiental, e parece ser que o Plan de Ordenación do Litoral (POL) aprobado polo propio Partido Popular, non permite este equipamento no lugar elixido onde xa o Concello expropiou os terreos.

Un suposto “pelotazo urbanístico”, e un cúmulo de chapuzas levan a que a vila de Caión estexa desde hai bastantes anos sen campo de fútbol e a sementar a incertidume sobre a posible construcción do novo campo, primeiro cando os responsábeis da Xunta contestaron no Parlamento a preguntas do BNG poñendo en dúbida que se fixese efectivo este equipamento, e agora resulta que o POL non permite a construcción. Un auténtico despropósito.

Pero claro, o PP da Laracha cré que pode facer o que queira porque ten moitos votos, pero en democracia, non temos por que aturalo.

O BNG presenta enmendas aos orzamentos da Xunta para investimentos básicos na Laracha

Fri, 16 Dec 2011 17:52:45 GMT

O Grupo Parlamentar do BNG presentou as súas emendas aos orzamentos da Xunta para o ano 2012, incluíndo entre elas varias solicitudes de investimentos para o Concello da Laracha.

O BNG esíxelle á Xunta de Galiza que elimine o protocolo que exclúe as persoas sen recursos da asistencia sanitaria

Tue, 29 Nov 2011 20:22:19 GMT

O BNG da Laracha presenta unha moción para esixirlle á Xunta que garanta a atención sanitaria das persoas sen recursos e das desempregadas, despois de que a Xunta de Galiza desactivara masivamente e sen previo aviso as tarxetas sanitarias destes colectivos.

25 de Novembro. O BNG da Laracha presenta unha moción contra a violencia de xénero

Tue, 29 Nov 2011 20:09:15 GMT

A violencia de xénero constitúe unha vulneración dos dereitos fundamentais das mulleres. É a manifestación máis clara e brutal da desigualdade aínda existente entre mulleres e homes na nosa sociedade, poñendo de manifesto que falta moito camiño por andar até rematar completamente coa discriminación e subordinación das mulleres e acadar unha sociedade igualitaria.

Nos últimos anos déronse pasos importantes no eido legal, superando a visión que reducía o problema ao ámbito privado e asumindo que a loita contra a violencia de xénero é un problema de primeira orde e que na súa erradicación deben implicarse o conxunto de poderes públicos e toda a sociedade.

O BNG pide o voto na feira de Paiosaco

Wed, 09 Nov 2011 10:35:58 GMT

O BNG da Laracha estivo presente na Feira de Paiosaco do día 6 repartindo información do programa co que o BNG concorre ás vindeiras eleccións xerais do 20 de novembro.

Os cargos públicos do BNG da Laracha e a militantancia da organización local achegáronlle a información a moitos veciños e veciñas do noso concello, e aos moitos visitantes que a feira de Paiosaco recibiu este primeiro domingo de novembro.

O BNG expuxero claramente que o único voto útil en Galiza é o voto ao BNG, como única forza política que defende os intereses do noso país, e que tamén defende á maioría social, ás traballadoras e traballadores, aos autónomos, ao pequeno comercio, labregas e labregos, mariñeiros, e non aos grandes capitalistas e á banca como fan PP e PSOE.

O BNG da Laracha abre a precampaña cun acto sobre os recortes no ensino

Fri, 28 Oct 2011 17:35:04 GMT

A precampaña para as vindeiras eleccións xerais iniciase na Laracha cun acto público acerca dos recortes orzamentarios que o Partido Popular ven efectuando desde que goberna na Xunta de Galiza, especialmente no que son os servizos sociais básicos, e especialmente no ensino público.

No acto interviron o noso portavoz municipal, Xoán M. Sande, a deputada Carme Adán e Evencio Ferrero, Alcalde de Carballo e candidato ao Congreso polo BNG.

PROXECTO ORZAMENTOS XUNTA DE GALIZA 2012: As promesas incumplidas do PP na Laracha

Fri, 28 Oct 2011 17:39:05 GMT

Os datos que o goberno galego do Partido Popular deu a coñecer do seu Proxecto de Orzamentos para o ano 2011 son realmente decepcionantes para A Laracha, e amosan o nulo compromiso do goberno de Feijoo coas necesidades dos veciños e veciñas deste concello.

A única partida económica que aparece consignada para o noso concello é de 300.000 euros para o Colexio Otero Pedrayo da Laracha, unha ridícula partida se temos en conta o compromiso do Conselleiro de Educación na súa visita propagandística realizada antes das pasadas eleccións municipais, nas que anunciaba a construcción dun novo edificio para as aulas de infantil deste colexio (falábase dun mínimo de 9 unidades), pois o actual “edificio vello” está realmente deteriorado e non cumple unhas mínimas condicións, e tamén anunciaba que se ían cubrir as pistas polideportivas (unha vella reivindicación do BNG).

O Partido Popular da Laracha aproba novas subidas de impostos

Tue, 25 Oct 2011 11:49:47 GMT

Logo da aprobación no último pleno da subida dos prezos do abastecemento de auga e depuración, recollida de lixo e vados, entre outros, o Partido Popular da Laracha volve aprobar unha nova subida de impostos e a creación doutra nova taxa. No día de hoxe tivemos unha Comisión Informativa de Facenda no concello da Laracha, previa ao Pleno Extraordinario que terá lugar o vindeiro luns ás 13:00 horas, no que, ademais de procederse ao sorteo das mesas electorais das próximas Eleccións Xerais, o goberno municipal do PP aprobará unha subida nada menos que do 20% no Imposto de Vehículos de Tracción Mecánica (o coñecido como imposto de circulación), ademais da creación dunha nova taxa pola expedición de documentos de carácter catastral.

O BNG DA LARACHA APOIA AS REIVINDICACIÓNS DE PAIS E NAIS E DEMANDA MÁIS IMPLICACIÓN DO GOBERNO MUNICIPAL DO PP NA DEFENSA DO ENSINO PÚBLICO

Mon, 03 Oct 2011 08:06:54 GMT

Desde o BNG da Laracha queremos manifestar o noso apoio ás reivindicacións dos pais e nais de alumnos do Colexio Otero Pedrayo da Laracha, que demandan un incremento das prazas de comedor e un mestre máis para o seu colexio (para 4º de Primaria), e así o reivindicaron manifestándose diante do concello.

O BNG da Laracha e Galiza Nova reivindican na Praza do Generalísimo da Laracha a eliminación da simboloxía franquista e a recuperación da memoria dos represaliados

Tue, 27 Sep 2011 08:09:07 GMT

O BNG da Laracha, xunto coa organización xuvenil do BNG Galiza Nova, celebraron un acto na "Praza do Generalísimo" da Laracha, para reivindicar a eliminación da simboloxía franquista, e a recuperación da memoria dos que sufriron a represió, como o que era Alcalde no momento de producirse o levantamento militar fascista en 1936, Ramiro Suárez, que morreu no exilio de Francia, o que aínda hoxe podemos dicir que foi o último Alcalde democrático da Laracha.

O Partido Popular sobe o prezo da auga, a recollida de lixo e outras taxas aos veciños da Laracha, mentras se opón a cobrarlle o imposto de patrimonio aos ricos

Tue, 27 Sep 2011 08:02:27 GMT

O Partido Popular da Laracha vai aprobar no próximo Pleno Ordinario da Corporación (o mércores día 28, ás 13:30, coma sempre) a subida de varias taxas, e tamén a creación dalgunhas taxas novas. Aumentarán o prezo da auga e da recollida de lixo, entre outros. Pola contra, néganse a que se cobre o imposto sobre o patrimonio aos ricos.

O BNG da Laracha presenta unha iniciativa na que demanda que se limiten as comisións bancarias para evitar "cobros abusivos"

Thu, 18 Aug 2011 11:44:27 GMT

O Grupo Municipal do BNG da Laracha presentou unha iniciativa, para ser debatida na próxima sesión plenaria, mediante a que demanda a adopción de medidas -tanto por parte do goberno central como da Xunta de Galiza- para que se limiten as comisións bancarias de xeito que se eviten os cobros abusivos que se están a producir na actualidade, fundamentalmente nas Caixas de Aforro, nas que os dous gobernos teñen competencias ao respecto que deben exercer.

Máis dun centro de persoas disfrutaron da tradicional "Festa do Río" do BNG da Laracha

Wed, 03 Aug 2011 19:57:51 GMT

O BNG da Laracha celebrou o pasado sábado día 30 de xullo a súa tradicional "Festa do Río", na Área Recreativa de Gabenlle, á que asistiron máis dun centro de persoas. Militantes, simpatizantes, amigos e amigas do BNG da Laracha disfrutaron dun menú a base de xamón asado con patacas, flan de café e xeado con chocolate, acompañado dun bo viño mencía, auga, refrescos, etc., café e licor café. Non faltou a música tradicional durante a tarde, nin tampouco as habituais timbas, e xogos para os nenos e nenas. A festa rachada prolongouse, coma todos os anos, ata a noitiña.

Conta Xeral 2010: o goberno municipal do PP duplica os gastos en propaganda e triplica os destinados a comilonas

Sun, 24 Jul 2011 18:24:54 GMT

No próximo Pleno da Corporación debaterase a Conta Xeral do exercicio 2010, é dicir, a execución do orzamento do ano pasado, en qué se gastou o goberno municipal os cartos de todas as larachesas e todos os laracheses. A análise desta execución orzamentaria evidencia o xeito de entender a política do Partido Popular: despilfarro en propaganda e comilonas e recortes en gasto social, educativo e cultural. Ademais da cantidade de cartos que acaban de aprobarse para eles mesmos en adicacións exclusivas do goberno e asesores e asistencias a Xuntas de Goberno, vemos como cada ano se incrementan os gastos en propaganda e "atencións protocolarias" (paparotas).