Trasladamos ao goberno as nósas propostas aos Orzamentos
Esta mañá presentamos ao goberno local un total de cinco propostas de modificación dos Orzamentos 2010
Nos tempos de crise actuais, o goberno debería facer unha aposta decidida por investir no que produce e non manter unha posición conformista e resignada. Por iso, propoñemos o recorte dos gastos en “Asesorías Externas” e “Estudos e Traballos Técnicos” –tarefas que deben ser desenvolvidas polos propios traballadores e técnicos do Concello- e destinalos á elaboración dun Plan de Dinamización Económica do Concello co obxectivo de atopar as fórmulas para fixar o asentamento de empresas que poidan xerar ingresos e emprego a medio prazo.
O goberno debería facer unha aposta decidida por investir no que produce
Asímesmo, as dificultades económicas ás que teñen que facer fronte as familias na actualidade son, para o nós, un indicador claro da necesidade de aumentar os medios destinados ás axudas adicadas a emerxencias sociais. Por iso, outra das nósas propostas é que se recorten os recursos destinados a gastos en “Publicidade e Propaganda” e aumenten a contía para “Axudas Emerxencia Social”.
A nósa proposta tamén contempla a incorporación nas Bases de Execución dunha disposición que recolla o pago en prazo de 30 días a provedores dende o rexistro da factura. Deste xeito, pretendemos evitar que a tardanza no cobro dos traballos ou subministros ao Concello por parte das empresas sexa un agravante máis para as súas economías.
Outra das modificacións propostas busca que o Concello sexa exemplo na procura da estabilidade do emprego, polo que pedimos o compromiso por parte do goberno de convocar no menor tempo posible as prazas ocupadas por asesorías técnicas e contempladas na RPT.
Propoñemos un recorte dos recursos destinados a gastos en “Publicidade e Propaganda” e a aumento da contía para “Axudas Emerxencia Social”.
Por último, solicitámoslle tamén ao grupo de goberno a incorporación nas Bases de Execución dunha disposición que fixe un cronograma de convocatoria e resolución das subvencións municipais para evitar os indesexables retrasos que veñen a agravar a xa deficitaria situación económica dos entidades sociais, culturais, deportivas e xuvenís complicando o desenvolvemento da súa actividade.
Agardamos que as nósas propostas teñan unha boa acollida por parte do grupo de goberno socialista poñendo de manifesto a súa total disposición para acadar un consenso que permita a aprobación duns orzamentos adecuados aos momentos de crise actuais e beneficiosos para a cidadanía.
