O BNG demanda información sobre a tramitación do PXOM
Rúa do centro da terceira idade
Aspecto da rúa do Centro da terceira idade
A empresa MONSA debería ter entregado no 2009 a documentación para a aprobación definitiva do PXOMSostén o portavoz que “as normas de urbanismo subsidiarias do ano 78 dificultan enormemente os trámites de axuste. O que demostra ben as claras cales son as intencións, ao respecto do urbanismo, dun Alcalde que leva no cargo máis de 3 lexislaturas con maioría absoluta, que é non facer nada para evitar os custes políticos”.
O BNG demanda do goberno municipal que solucione este grave problema de Antas que está provocando unha parálise no sector da construción, xa moi afectada pola crise actual.A falta do PXOM, segundo os nacionalistas, provoca a indefensión dos cidadáns que queiran construír así como aos propietarios dos terreos pois descoñecen a situación urbanística das súas parcelas. “dáse o paradoxo de que hai xente que quere edificar e ten que esperar pola licenza máis dun ano, cando en Antas non hai problemas de solares precisamente”
As rúas afectadas polos Plans especiais de dotacións, carecen de servizos a pesar de que nunha delas hai 30 anos que está o edificio do Centro da Terceira Idade e na outra, o chamado camiño de San Xorxe está sen asfaltar. No BNG consideramos necesario estas dotacións pero estimamos que deberían estar encardinadas dentro do PXOM, e en todos os casos afectar as dúas rúas na súa totalidade e non facer parches que deixen os veciños igualmente sen servizos.
Manifesta Doval que “non é de recibo que se urbanice una rúa a carón da Residencia da 3ª idade 30 anos despois da súa construción, e se acometa a acera dun lado soamente, ou que se leven os servizos para un futuro equipamento e se deixe a 10 metros e na mesma rúa a única vivenda que hai sen saneamento nin os demais servizos”.
