Novas BNG Comarca Bergantiños

Bergantiños estará presente con unha numerosa delegación na XIII Asemblea Nacional do BNG

Sun, 22 Jan 2012 21:20:56 GMT

“A forza que Galiza precisa” é o lema do conclave que terá lugar os próximos días 28 e 29 de xaneiro no recinto feiral de Amio (Santiago de Compostela)

O BNG demanda que a cita telefónica para o médico de cabeceira sexa atendida por persoas e non por unha máquina

Wed, 18 Jan 2012 19:14:19 GMT

O Grupo Municipal do BNG presentou unha iniciativa para ser debatida no próximo Pleno da Corporación, para demandar da Xunta de Galiza melloras na atención sanitaria no noso concello. O BNG insta á Xunta do PP a dar marcha atrás nas súas iniciativas privatizadoras e de recortes. Queremos que os veciños e veciñas da Laracha poidan pedir cita para o médico por teléfono, xa que desde a posta en marcha da "Central de Chamadas" para moita xente isto resulta imposíbel. Demandamos que volvan ser traballadoras e traballadores do Sergas os que atendan a cita previa, que se substitúa ao persoal do Centro de Saúde da Laracha e o Consultorio de Caión nas baixas, vacacións e permisos, e tamén que se dote ao Centro de Saúde da Laracha de consultas médicas e servizo de cita previa en horario de tarde, igual que todos os demais concellos de máis de 10.000 habitantes.

25 de novembro, Día da non violencia contra as Mulleres

Sat, 26 Nov 2011 12:08:07 GMT

Dende o BNG E Galiza Nova de Bergantiños e queremos manifestar o noso rexeitamento, neste e calquera día do ano, ao terrorismo machista como é a violencia de xénero, que acaba con máis de 70 mulleres ao ano en todo o Estado Español.

Declaración do BNG no 25 de Novembro, Día da Non Violencia contra as Mulleres

Guillerme chama en Carballo a concentrar o "voto galego e de esquerdas" no BNG para "non cometer o erro de ir aínda máis á dereita"

Sun, 13 Nov 2011 22:27:04 GMT

"Postos a aforrar, aforremos na asignacion do Estado á Casa Real. Se hai alguén que si ten vivido por enriba das súas posibilidades, ése é Urdangarín"

Hoxe en Carballo mitin central do BNG ás 21:00 horas, no Pazo da Cultura

Thu, 10 Nov 2011 16:29:10 GMT

O Bloque Nacionalista Galego (BNG) celebra hoxe o seu mitin central en Carballo e no que intervirán o Alcalde de Carballo e candidato ao Congreso Evencio Ferrero, do BNG de Laxe Xulia Mira, a Concelleira do BNG na Laracha e membro da Executiva Comarcal Carolina Castiñeiras, o Portavoz Nacional do BNG Guillerme Vázquez, e o Deputado e candidato ao Congreso Francisco Jorquera.

Xoves, 10 de novembro ás 21:00 horas no Pazo da Cultura

O BNG da Laracha abre a precampaña cun acto sobre os recortes no ensino

Sat, 29 Oct 2011 16:42:25 GMT

A precampaña para as vindeiras eleccións xerais iniciase na Laracha cun acto público acerca dos recortes orzamentarios que o Partido Popular ven efectuando desde que goberna na Xunta de Galiza, especialmente no que son os servizos sociais básicos, e especialmente no ensino público.

No acto interviron o noso portavoz municipal, Xoán M. Sande, a deputada Carme Adán e Evencio Ferrero, Alcalde de Carballo e candidato ao Congreso polo BNG.

Xuntanza de Francisco Jorquera con representantes de traballadores e traballadoras da Comarca de Bergantiños

Tue, 25 Oct 2011 18:09:04 GMT

Hoxe martes, día 25, o candidato num. 1 do BNG ao Congreso dos Deputados pola provincia da Coruña, Francisco Jorquera, estará en Carballo para manter un encontro con varios delegados e delegadas de persoal en Comités de empresa, no que se falara, entre outros asuntos, da situación socio laboral da comarca. No encontro estará acompañado do Alcalde de Carballo, Evencio Ferrero, e tamén candidato ao Congreso pola provincia.

Este terá lugar no local da CIG en Carballo, na rúa Río Sil, a partir das seis da tarde ( 18:00 horas).

Con anterioridade ao mesmo, Francisco Jorquera, fará unhas declaracións aos medios de comunicación.

Balance do traballo do BNG no Congreso e no Senado na anterior lexislatura

Tue, 25 Oct 2011 18:12:28 GMT

Na comparecencia diante dos medios que se realizou no xardín municipal estivo Francisco Jorquera, Evencio Ferrero, membros do goberno municipal de Carballo e o Portavoz do BNG de A Laracha, Xoán Sande.

Perto dun cento de mozas e mozos participaron nas Xornadas de Verán de Galiza Nova

Thu, 06 Oct 2011 19:45:19 GMT

Perto dun cento de mozas e mozos déronse cita os pasados 23, 24 e 25 de setembro na Comarca de Bergantiños para celebrar as XXIII Xornadas de Galiza Nova.

Bergantiños acollerá as XXIII Xornadas de Verán de Galiza Nova

Sat, 24 Sep 2011 20:05:16 GMT

Pablo Vázquez, responsábel comarcal de Galiza Nova, e Vítor Recarei, responsábel comarcal do BNG, presentaron o programa que esta fin de semana atraerá a Bergantiños a mocidade de todo o país

O portavoz nacional, Guillerme Vázquez, explicará en Carballo o rexeitamento do BNG á reforma exprés da Constitución Española

Thu, 22 Sep 2011 16:07:43 GMT

O acto público, que terá lugar este venres, servirá de pistoletazo de saída á precampaña das eleccións xerais

O BNG da Laracha presenta unha iniciativa para mellorar o financiamento dos concellos

Tue, 20 Sep 2011 20:39:02 GMT

O Grupo Municipal do BNG da Laracha presentou unha iniciativa mediante a que demanda, por unha banda o aprazamento da devolución da débeda que todos os concellos, deputacións e comunidades autónomas teñen co Estado, e por outra banda que se aprobe un novo sistema de financiamento local, máis xusto cos concellos galegos, que teña en conta criterios como o avellentamento e a dispersión da poboación, e que garanta financiamento suficiente para o mantemento dos servizos básicos.

Fran Gorín toma posesión como concelleiro do BNG en Malpica de Bergantiños

Tue, 13 Sep 2011 20:54:33 GMT

Con tan só 28 anos, é o segundo período no que este mozo representará ao nacionalismo no salón de plenos malpicán

O BNG recolle as propostas plantexadas polo Sector Pesqueiro da Costa da Morte en relación ca Política Pesqueira Común (PCP.)

Tue, 13 Sep 2011 19:04:03 GMT

Ana Miranda, vindeira eurodeputada do BNG, Olaia F.Davila, Deputada do BNG, Joam L. Ferreiro, Coordinador Nacional de Pesca do BNG, participaron hoxe en Laxe na mesa de traballo onde se analizou a Política Pesqueira Común co Sector Pesqueiro da zona.

O BNG chama a sumar forzas contra a reforma da política pesqueira europea, que suporá novos recortes para a pesca galega

Thu, 25 Aug 2011 09:21:18 GMT

Ana Miranda, vindeira eurodeputada do BNG, participará este sábado en Laxe nunha mesa de traballo para analizar a política pesqueira e deseñar alternativas e respostas

O BNG da Laracha presenta unha iniciativa na que demanda que se limiten as comisións bancarias para evitar "cobros abusivos"

Mon, 22 Aug 2011 12:00:37 GMT

O Grupo Municipal do BNG da Laracha presentou unha iniciativa, para ser debatida na próxima sesión plenaria, mediante a que demanda a adopción de medidas -tanto por parte do goberno central como da Xunta de Galiza- para que se limiten as comisións bancarias de xeito que se eviten os cobros abusivos que se están a producir na actualidade, fundamentalmente nas Caixas de Aforro, nas que os dous gobernos teñen competencias ao respecto que deben exercer.

A eurodeputada Ana Miranda coñeceu os problemas de Laxe de man do BNG

Sat, 23 Jul 2011 21:38:40 GMT

Os problemas da praia e o porto serán tratados en Bruxelas a iniciativa do BNG, que tamén recolleu as demandas da confraría sobre a reforma da política pesqueira

Moita xente acudiu á entrega dos Premios Patria e Lingua 2001

Sat, 23 Jul 2011 16:37:15 GMT

O BNG de Bergantiños recoñeceu desta volta o traballo de A Ventana Café (Laxe), Perruquería Monse Añón (A Laracha), A tenda dos libros (Ponteceso) e Moda Infantil Lúa (Carballo)

Entrega dos Premios Patria e Lingua 2011

Tue, 19 Jul 2011 22:06:20 GMT

O BNG de Bergantiños, un ano máis, quere recoñecer o traballo de empresas da nosa comarca que se distinguen por un uso normalizado da nosa lingua.

O BNG asume o reto de gobernar Carballo en solitario

Sat, 02 Jul 2011 20:29:28 GMT

Evencio Ferrero asume a alcaldía e distribúe, de inmediato, as áreas de goberno, para comezar a traballar dende o primeiro momento