Novas BNG Concello Bergondo

CantaClaro. O noso voceiro, novo nº xa na rúa.

Thu, 26 Jan 2012 08:32:59 GMT

Novo número do noso voceiro municipal con valoración do que levamos de lexislatura, as nosas propostas, ... descargao aquí e informate.

A Xunta recua e amañara a ponte do Pedrido en 2012

Fri, 20 Jan 2012 21:32:29 GMT

Logo das nosas denuncias e de que o Pleno aprobase unha moción (coa abstención do PP) instando a súa reparación, a Xunta anunciou por medio da súa delegada territorial unha inversión de 2,3 millóns de euros no 2.012 para varias actuacións de arranxo da Ponte do Pedrido.

Bergondo, un dos máis afectados pola suba do IBI imposta por Rajoy

Fri, 20 Jan 2012 21:22:27 GMT

O incremento no gravame do IBI (Imposto de Bens Inmobeis) aprobado polo goberno de Rajoy traducese nunha suba dun 11,11% en 2.012 e un 33,33% en 2.013, fortisima suba que non se xustifica no contexto actual de crise económica.

O BNG levará este asunto para ser tratado no Pleno solicitando medidas encamiñadas a solucionar este problema, e en caso de que a suba sexa inevitable permita un incremento máis gradual e repartido.

A Xunta non recolle nos seus orzamentos do 2012 a reparación da Ponte do Pedrido

Fri, 20 Jan 2012 10:23:43 GMT

Nos orzamentos presentados recentemente pola Xunta de Galicia para o vindeiro exercicio de 2.012 non se consigna nin un só euro en ningunha partida para a reparación da Ponte do Pedrido. A pesar das promesas que se teñen manifestado nos medios de comunicación por parte do goberno municipal de Bergondo e da propia Xunta, no sentido de que 2.012 sería o ano da solución do grave problema e inminente risco que corren os veciños da zona por causa dos desprendementos de cascotes que se producen dende gran altura na citada ponte, a Xunta fai oídos xordos ante un auténtico e grave perigo para a seguridade das persoas.

Dende o BNG de Bergondo denunciamos esta terrible desidia, neglixencia e desprezo cara aos bergondeses por parte das autoridades competentes na materia e comprometémonos a presentar, a través do grupo do BNG do parlamento de Galicia, a correspondente emenda aos orzamentos para que se recolla unha partida de cartos específica e suficiente para a reparación da ponte o antes posible.

Salvemos a praia de Gandario (alegacións do BNG)

Fri, 20 Jan 2012 10:24:39 GMT

O BNG COMPROMETESE NA DEFENSA DO PATRIMONIO AMBIENTAL E ESTRATEXICO PARA A ECONOMIA DE BERGONDO

Coas propostas do BNG aprobadas hoxe o Concello aforrara máis de 100 mil € anuais

Fri, 20 Jan 2012 10:25:18 GMT

O compromiso que o BNG de Bergondo arrancou do equipo de goberno (formado por PSOE e VB) no sentido de que aplicarán – en materia de aforro enerxético - as receitas propostas polo noso grupo, terá como consecuencia que o concello conseguirá aforrar máis de 100.000 euros anuais na factura da luz; mediante o paso inmediato dos contratos ao mercado libre e outras medidas como son a elaboración dunha auditoría enerxética que sitúe todos os puntos de luz, contadores, determinando os puntos chave onde máis se consume, luminarias en terreos privados etc.; revisión tarifaria, escollendo a tarifa que mellor se adapte en cada caso; plan de substitución de luminarias por outras máis eficientes etc.

Antón Sánchez, candidato ao Senado

Fri, 20 Jan 2012 10:26:43 GMT

O pasado sabado 10 de setembro o Consello Nacional do BNG aprobou as listas e o programa co que se concorrera ás eleccións xerais do 20 de novembro.

No que atinxe as listas ao Congreso e o Senado, ao primeiro repetira o actual deputado e portavoz Francisco Jorquera, mentras que na candidatura para o Senado, no terceiro posto concorrera o noso portavoz municipal Antón Sánchez García, o que reflicte a aposta polo arduo traballo que o BNG ben desenvolvendo dende a agrupación local e trasladar o mesmo a outras institucións.

Sta Marta en estado deplorable

Mon, 12 Sep 2011 15:25:39 GMT

Nos últimos tempos vimos denunciando o deplorable estado de conservación no que se atopa a parroquia de Sta. Marta, beirarúas da estrada a Guisamo invadidas pola maleza, vía de acceso a AP9 (unha das entradas naturais ó noso municipio).

Máis grave se cabe é este desleixo cando o goberno local non destina persoal para limpalas pero sí manda persoal municipal a traballar ao Concello de Sada na montaxe dun escenario.

Bergondo paga un sobrecusto na luz pola mala xestión do Goberno Municipal

Mon, 12 Sep 2011 15:10:16 GMT

O BNG presentara un plan de racionalización do gasto enerxetico. A medida máis urxente é pasar de inmediato ó mercado libre, medida sen custo algún e co que se aforraria máis dun 20% na factura da luz.

Valoración do Pleno de organización do Concello (07/07/11)

Tue, 12 Jul 2011 16:38:40 GMT

No BNG valoramos como moi positivos os acordos acadados no pleno de organización celebrado onte no consistorio bergondés. Reclamacións históricas coma que o carácter mensual dos plenos e non bimensual como ata o de agora; que se teña constituído unha comisión especial para abordar a elaboración dun necesario Plan Xeral de Urbanismo; a posta en marcha dunha mesa de contratación de obras e servizos con presenza de todos os partidos representados no concello, supoñen, un avance significativo na transparencia e un novo horizonte no que atinxe ao acercamento ao cidadán das decisións que lle afectan máis directamente grazas ás iniciativas presentadas en diversas ocasións polo BNG e que agora teñen dado froitos por sermos unha forza decisiva coa que hai que contar na política municipal.

Por outra banda, consideramos igualmente positivo que tivera triunfado a sensatez no que se refire á asignación de salarios dos integrantes do equipo de goberno municipal. En palabras de Antón Sánchez, o noso portavoz municipal: “que o equipo de goberno teña reconsiderado a súa pretensión inicial de asignar dedicacións parciais para todos os seus membros, en aras da austeridade debe ser recoñecido, agora ben, non debemos esquecer que grazas a unha emenda do BNG tense evitado que o goberno vira compensada esa austeridade sobrevida con asignacións por outros conceptos pouco decorosas e pouco conciliables coa suposta austeridade” Refírese, en concreto á emenda presentada polo BNG para rebaixar a asignación económica por asistencias ás xuntas de goberno, de 200 a 100€, e a supresión dos 50€ por asistencia ás xuntas delegadas de área, órgano nin tan sequera constituído formalmente.

En calquera caso, o BNG mostrase aberto a que nun futuro poida haber algunha dedicación exclusiva máis, aparte da aprobada para a alcaldesa: “como xa temos manifestado, por activa e por pasiva, nos xa defendiamos a austeridade nos tempos das vacas gordas, polo tanto ningún demagogo nos vai dar leccións nese sentido. É por iso que defendemos que unha maior dedicación por parte dos membros do goberno municipal no día a día do concello redundaría positivamente na atención ao cidadán e na resolución dos seus problemas. Noutras palabras, a austeridade é importante, pero a eficacia e a eficiencia máis aínda, se cabe”

Comeza a campaña co mitin de apertura en Bergondo

Thu, 05 May 2011 11:54:03 GMT

40 medidas urxentes para Bergondo

Mon, 02 May 2011 08:25:26 GMT

Bergondo leva moitos anos cun goberno que non foi capaz de levar a cabo os grandes proxectos que un concello como o noso precisa; e outro tanto tempo cunha parte da oposición que non foi quen de propor iniciativas máis aló das puramente electoralistas.

Cunha visión curtoprazista da xestión municipal, nesta última lexislatura puidemos observar a carencia de ideas e medidas, sen ser o Concello capaz de asentar as bases dun modelo económico e social que xere calidade de vida e benestar aos veciños e veciñas.

Por todo isto, dende o BNG adquirimos o compromiso de ser o motor de cambio que este Concello precisa; de ser a forza de goberno que permita a Bergondo avanzar neste século XXI con paso firme para sermos un lugar onde vivir cada vez mellor.

Polo tanto, os e as nacionalistas de Bergondo presentamos un documento de medidas con carácter urxente, elaborado a partires do noso programa electoral, que serve como base para a cohesión social e territorial do noso Concello, orgulloso do seu país e con vocación de futuro.

Comprometémonos a, nos vindeiros catro anos, cumprir cos seguintes compromisos.

Urbanismo

Aprobación dun Plan Xeral de Ordenación Municipal (PXOM) que beneficie á maioría e impulse Bergondo os próximos quince anos, á vez que permita aos nosos fillos, fillas, netos e netas ficaren a vivir na súa vila.

Dotación de saneamento a todo Bergondo, ampliando a capacidade depurativa,e completar a traída.

Mellora da seguridade vial na N VI.

Creación de emprego

Impulsar o emprego en igualdade, dende o entendemento de que a igualdade para a muller non é unha política social máis. Elaboraremos unha estratexia transversal e xeneralizada sobre a nosa acción de goberno,que tamén sexa sensible cos problemas da mocidade para atopar emprego.

A aprobación o PXOM fomentará o asentamento das pequenas empresas que crearán emprego no Concello.

Conexión do Polígono Industrial coa AP9 .

Implantación dun Plan Turístico Municipal. Cremos na potenciación do turismo como fonte de riqueza que supoña unha nova forma de gañarse a vida, xunto co xurdimento de empresas de servizos. Apertura dunha Oficina de Información Turistica; subvencionar aos campings, incentivar a creación dun Camping de 1ª Categoria .

Creación dun parque agroindustrial.

Construcción dunha Escola Taller que inclúa taller de xoiería - botalume, cunha residencia para estudantes.

Instituir o Consello Económico e Social de Bergondo,onde reuniremos ás empresas, ós sindicatos e a todos os axentes sociais para levar a cabo accións conxuntas de dinamización.

Por en funcionamento un Viveiro de empresas.

Apoio a recén constituida Mesa Local do Comercio para dar relevancia ao papel do comercio local no municipio.

Políticas sociais para as maiorias:

Apostar decididamente polos servizos públicos e a corresponsabilidade nas tarefas do coidado e a crianza.

Inclusión de Bergondo no Consorcio de Servizos Sociais para dotarmos dun centro de día para o cuidado de maiores e dependentes e dunha escola infantil.

Construcción dun campo de fútbol digno.

Estudaremos dotarmos dunha piscina municipal no concello, contemplando a reserva de solo no PXOM.

Posta en marcha dunha Casa da Mocidade xestionada polos mozos e mozas.

Crear unha Escola do Mar Municipal no albergue de Gandarío.

Construcción dun local social en condicións para Ouces e Moruxo. Acceso ao uso e disfrute dos locais sociais das parroquias para toda a veciñanza.

Transparencia na xestión municipal

Fomentar a democracia participativa cun Regulamento de Participación Veciñal, con Consellos Parroquiais e asistencia da veciñanza ós plenos do concello.

Oficina de Información Municipal. Crear unha oficina específica de información sobre todos os trámites e solicitudes que se podan facer e todas as actuacións do concello en materia de gasto, contratación, etc.

Medidas de aforro do gasto corrente

• Plan Municipal de Iluminación baseado no aforro enerxético, na eficiencia, na seguridade e na sostibilidade. Aforro enerxético, só cos cambios na contratación da luz xa se aforraría entre un 30 e un 40%; ademais doutras medidas de eficiencia enerxética como o cambio de luminarias, etc. O último ano o Concello de Bergondo gastou 400.000 euros en luz, co cal poderíamos aforrar perto de 180.000 euros neste apartado.

Aforro na execucción de obras

Contratar preferentemente por procedementos abertos con pubicidade, frente ao procedemento negociado sen publicidade.

Creación da Brigada de Obras do Concello

Conservación ambiental do concello.

A limpeza dos montes será unha prioridade, estudaremos como aproveitar a nosa riqueza forestal para xerar ingresos utilizando o compost ou a biomasa para xerar enerxia.

Construiremos sendas peonís que conecten o concello e o liguen as sendas dos concellos limítrofes.

Educación medioambiental nos centros educativos.

Defendemos a prevención de abandono de animais, a promoción de boas prácticas en relación ao benestar animal, as campañas de esterilización subvencionadas polo concello e o fomento de adopcións.

Mobilidade

BERGONBUS, para solventar o problema de illamento das parroquias, unha liña interior de transporte interparroquial, participada polo concello.

Reapertura do apeadeiro do tren de Guísamo que nos conecta con Ferrol e A Coruña.

Aparcadoiros disuasorios preto das paradas de bus e do apeadeiro do tren.

Comunicación e preservación do patrimonio artístico e cultural

Castros, fontes ou lavadoiros serán catalogados.

Posta en marcha dunha biblioteca pública da que carecemos.

Dotar ao concello de internet a través de redes Wifi.

Dotación de servizos de goberno aberto na web do Concello.

Ampliar o horario das actividades do concello ás mañás.

Adherirmos a Rede Galega de Teatros.

Dotar a Senra de contido cultural.

Potenciar a figura de Xohán Vicente Viqueira e a súa Fundación para convertir a Quinta Cortón nun centro cultural de referencia da cultura galega.

Onda Bergondo emisora de radio para manter informada a veciñanza das novas das parroquias

CantaClaro, voceiro do BNG de Bergondo, descarga aqui o nº de abril

Tue, 05 Apr 2011 15:50:03 GMT

Conferencia coloquio con Teresa Taboas "Plan Xeral (PXOM),sentar as bases do futuro"

Mon, 04 Apr 2011 14:46:00 GMT

O sábado 9 de abril as 19:30h no salón de actos do Hotel Torques (Polígono de Bergondo) conferencia coloquio, "Plan Xeral, sentar as bases do futuro", coas intervencións de Lolo Parga (concelleiro), Antón Sánchez (actual concelleiro e candidato a alcaldia) e Teresa Taboas (actual deputada no Parlamento Galego e ex - conselleira de Vivenda e Solo do goberno bipartito da Xunta).

Ateigada Casa da Cultura na presentación da canditatura, GRAZAS

Mon, 21 Feb 2011 09:17:48 GMT

Dende o BNG de Bergondo queremos dar as GRAZAS a todos cantos nos acompañastes onte na nosa posta de largo de cara as vindeiras eleccións municipais do 22-M; quedamos moi satisfeitos coa resposta dada polo pobo bergondes e bergondesas, deixando claro que o BNG é a alternativa de goberno as politicas de PP e PSOE, porque onte destesnos máis folgos ainda se cabe ó encher a Casa de Cultura que botou por fora para apoiar unha política cercana, ó lado da xente, dos problemas reais tanto máis graves como máis miudos, ... que simboliza o Bloque Nacionalista Galego. Tamén agradecer a aqueles que non puideron asistir por unha causa ou outra pero que nos mostraron o seu icondicional apoio.

Temos ilusión, gañas de traballar, novas ideas para probocar o cambio que o noso Concello precisa, e temos un equipo de homes e mulleres comprometidos con Galiza, con Bergondo.

http://www.youtube.com/watch?v=-uYaWBK_Sqo

Presentación da candidatura do BNG de Bergondo para as vindeiras eleccións municipais

Wed, 02 Feb 2011 21:44:52 GMT

Dende o BNG de Bergondo temos o pracer de convidar a todos os nosos amig@s, veciñ@s, simpatizantes, ... a nosa posta de largo de cara as vindeiras eleccións municipais.

Para elo, convidamosvos a tod@s a PRESENTACIÓN DA CANDIDATURA o próximo venres 11/02 as 20:00h na Casa da Cultura.

Contaremos coa intervención, entre outras, do noso portavoz no Parlamento Galego, Carlos Aymerich.

Para finalizar o acto, servirase un viño galego no vestíbulo.

Agartamoste ¡¡.

¡¡ GOBERNA CON NOS ¡¡

Charlas informativas sobre a Lei de Augas de Galiza

Wed, 23 Mar 2011 17:04:11 GMT

Dentro da rolda informativa polas parroquias para informar ós veciñ@s sobre a nova "Lei de Augas de Galiza" imposta pola Xunta do PP, os nosos concelleiros visitaran MARIÑAN, o vindeiro VENRES día 01/04 as 20:30h. no LOCAL SOCIAL.

1º CantaClaro do novo ano xa ó teu dispor

Wed, 19 Jan 2011 11:41:58 GMT

Se ainda non o tes na túa casa, aquí podes descargarte o primeiro CantaClaro que publicamos neste ano.

Catro anos perdidos para o saneamento

Thu, 09 Dec 2010 10:26:15 GMT

A Estación Depuradora de Augas Residuais de Gandarío aínda vai tardar tres anos máis, cun proxecto que xa estaba feito no 2006.

O pasado 23 de novembro Augas de Galiza publicou os Estudos Informativo e Ambiental da Estación Depuradora de Augas Residuáis (EDAR) de Gandarío. Sobre este tema dende o BNG queremos informar á veciñanza de varios aspectos.

O BNG de Bergondo participará na concentración veciñal contra o intento de ocupación dun camiño público en Cortiñán

Thu, 18 Nov 2010 15:56:30 GMT

Hai un mes os propios veciños e veciñas evitaron que unha escavadora cortase por segunda vez o camiño do Regueiro Pequeno, dando un exemplo de civismo. O vindeiro sábado día 20 de novembro ás 12,30 h, o BNG acudirá xunta cá veciñanza de Cortiñán a concentrarse no lugar do Regueiro Pequeño, A Fraga, nas inmediacións do Polígono Industrial de Piadela, para evitar a ocupación dun camiño público por mans privadas ante o deixamento da alcaldesa de Bergondo. Xa hai dous anos que a veciñanza do lugar e o BNG veñen realizando xestións diante do goberno local de Bergondo para abrir un camiño público ao tránsito de peóns, pero os veciños e veciñas atópanse co permanente desleixo da alcaldesa. Por esta razón, os veciños e veciñas vénse obrigados a realizar mobilizacións para defender un ben público que a irresposable febleza da Alcaldia amenaza con entregar as mans privadas. O BNG ten interpelado en varias ocasións á alcaldesa acerca de dito camiño e recibindo todo tipo de evasivas: dende que era privado, a que era unha servidume. A pesar dos informes dos técnicos municipais e da policía local que amosan probas irrefutábeis da titularidade pública do camiño. Hai un mes a propia veciñanza evitou que unha escavadora cortase por segunda vez dito camiño, dando un exemplo de civismo e defensa do patrimonio dos bergondeses e bergondesas, fronte a falta de coidado dos dereitos da cidanía da alcaldesa e do seu grupo de goberno, que beneficina uns intereses particurais que ilicitamente pretender usurpar un viario público. O BNG vai a acudir a respaldar á veciñanza de Cortiñán na defensa dun camiño público que non pode ser de ningún xeito regalado pola irresponsabilidade dos gobernantes actuais.