O BNG de Culleredo rexeita o proceso de ampliación do aeroporto de Alvedro

Culleredo, 9 de agosto de 2010.- O Consello Local do Bloque Nacionalista Galego de Culleredo quere denunciar as presas coas que se están a poñer en marcha as expropiacións de terreos para a ampliación de Alvedro por parte do Ministerio de Fomento, ao tempo que lamenta que o ministro José Blanco poña en risco infraestruturas fundamentais como a Terceira Ronda ou o AVE e aposte polo despilfarro coa a todas luces innecesaria ampliación de Alvedro.

 Ana Miranda pide responsabilidades polo estado da ría do Burgo

Culleredo, 13 de agosto de 2010.- Ana Miranda, representante do BNG na Unión Europea, esixiu urxentes responsabilidades políticas polo estado da ría do Burgo e avanzou que esta formación tratará de que unha delegación da comisión de peticións do Parlamento europeo visite a ría para comprobar o seu estado.

 A Plataforma para a Defensa da Ría do Burgo pide á UE que investigue os verquidos e a xestión da Xunta

Culleredo, 12 de agosto de 2010.- A Plataforma para a Defensa da Ría do Burgo solicitou á Unión Europea (UE) que investigue as verteduras na ría, así como a xestión realizada pola Xunta para o seu saneamento, que conta con importantes aportacións dos fondos europeos, segundo informa a asociación ecoloxista ADEGA, que forma parte da Plataforma xunto con outros trinta colectivos.

En relación con este tema, mañán Ana Miranda, representante do BNG en Europa, comparecerá na Confraría de Pescadores da Coruña coa responsábel comarcal, Silvia Seixas, para denunciar a situación da ría e presentar as iniciativas do BNG ao respeito.

 

Carlos Aymerich vincula as adxudicacións a Gerardo Crespo á financiación do PPdeG

Culleredo, 25 de agosto de 2010.- O portavoz parlamentario do BNG, Carlos Aymerich, sinalou este martes que existen "cousas sospeitosas" ao redor das adxudicacións de subvencións para cursos de formación da Xunta a distintas empresas de Gerardo Crespo, "unha persoa moi vinculada ao PP", polo que suxeriu que estes fondos poden servir para "financiar a campaña do PP na Coruña".

Esta denuncia súmase ao xa denunciado dende o BNG de Culleredo, no pleno do 27 de xullo pasado, sobre o reparto irregular de fondos para programas de cooperación, favorecendo de forma descarada a aqueles concellos gobernados polo PP.  [...]

teletipos

tele bng