Novas BNG Concello Culleredo

Pleno municipal de xaneiro

Wed, 25 Jan 2012 21:37:21 GMT

Culleredo, 25 de xaneiro de 2012.- Mañá xoves 26, ás 20.30h, terá lugar na Casa do Concello de Tarrío o pleno correpondente ao presente mes, que inclúe, outros puntos, a modificación da ordenanza fiscal da taxa por distribución de auga, o regulamento do servizo de auga potable, a conta xeral do exercizo 2010 e unha moción conxunta BNG-PSOE contra a suba do IBI acordada polo goberno do Estado.

Aprobados os orzamentos para 2012

Fri, 30 Dec 2011 18:12:30 GMT

Culleredo, 30 de decembro de 2012.- Onte aprobáronse os orzamentos municipais para o ano 2012, que diminúen ata os 20.314.844,63€, un 12,07% menos que o ano 2011, dentro dun plan de redución do gasto posto en marcha polo goberno municipal, mentras aumenta a partida destinada directamente a gasto social, que chega ao 9,24% do total.

Pleno municipal

Wed, 28 Dec 2011 21:13:37 GMT

Culleredo, 28 de decembro de 2011.- Mañá xoves 29, ás 20.30h, terá lugar na Casa do Concello de Tarrío o pleno dos orzamentos, quizais o máis importante dos que se celebran anualmente, pois marca o que será a actividade municipal do próximo ano.

Graves irregularidades no Centro de Día do Burgo

Wed, 28 Dec 2011 21:00:17 GMT

Culleredo, 22 de novembro de 2011.- O Concello de Culleredo esixe explicacións urxentes á Xunta de Galiza tras recibir informacións de graves irregularidades no centro de día do Burgo por parte de usuarios e usuarias, como a contratación de persoal non cualificado e a non existencia de peroal de limpeza.

O Concello requeriulle, sen éxito, información á Xunta sobre a situación do Centro, polo que Raquel Jabares, portavoz do BNG e Concelleira de Benestar, asegurou que o Concello chegará “onde faga falta” para esclarecer os feitos.

Xornada de Saúde Mental en Culleredo

Sun, 06 Nov 2011 09:19:03 GMT

Culleredo, 6 de novembro de 2011.- O pasado xoves tivo lugar en Culleredo a X Xornadas de Saúde Mental, organizada polo Consorcio das Mariñas, e que foron presentadas e moderadas por Rocío Sampedro, concelleira de sanidade do BNG.

O lema elixido para este ano pola OMS foi "O gran empuxe: inversión en saúde mental", que reflicte a necesidade de recursos neste eido. Como reflicte o compromiso do BNG coa sanidade a presenza entre o público de destacados representantes, como a parlamentaria Ana Luísa Bouza, e varios membros do Consello Comarcal.

Culleredo incrementa a partida orzamentaria para situacións de emerxencia

Sun, 06 Nov 2011 09:17:56 GMT

Culleredo, 4 de novembro de 2011.- O Concello de Culleredo, fiel ao compromiso de garantir as necesidades básicas das súas veciñas e veciños, decidiu modificar o orzamento municipal de 2011 para aumentar a partida destinada ás axudas para situacións de emerxencia social, mediante un axuste das partidas encadradas na área de Benestar Social, que dirixe a nacionalista Raquel Jabares O fondo pasa dos 76.000 aos 103.000 euros para cubrir as solicitudes de axuda tramitadas ante o Concello.

Para Raquel Jabares, esta decisión contrasta “por desgraza” coa “pobre aposta” da Xunta de Galicia, onde o goberno do Partido Popular reduciu un 3,78% o gasto social con respecto a 2010.

Esta noite ás 00.00 comeza a campaña para 20N

Thu, 03 Nov 2011 15:45:47 GMT

Culleredo, 3 de novembro de 2011.- Esta noite comeza a compaña para as Eleccións Xerais. Na Coruña o BNG realizará un acto na sede Comarcal (Ronda de Outeiro 62), que dará comezo ás 23.15. En Culleredo comezarémola mañán venres cunha pegada simbólica no Burgo, nas inmediacións do Cruceiro, ás 20.00h.

Reproducimos aquí dúas intervencións recentes do candidato número un do BNG pola Coruña, Francisco Jorquera, nos medios de comunicación: o chat dixital no xornal La Opinión de A Coruña, e unhaa entrevista en Tele5 con Concha García Campoy, nas que, ademais de temas de política xeral, trata outros importantes para a nosa comarca como son o tren de cercanías ou a recuperación da Ría.

Acto en defensa do tren

Thu, 27 Oct 2011 17:23:18 GMT

Culleredo, 27 de outubro de 2011.- O Bloque Nacionalista Galego celebra este sábado, 29 de outubro, ás 19 horas, un acto público en defensa do tren de proximidade na Praza de San Cristovo, que contará coa intervención de Francisco Jorquera. A tal fin, viaxaremos en tren ata A Coruña no tren procedente de Ferrol, que fai parada n'O Burgo ás 18.37h.

I Encontro de mulleres do rural de Culleredo

Thu, 20 Oct 2011 16:41:13 GMT

Culleredo, 20 de outubro de 2011.- Mañán venres celebrarase en Celas, na Casa Reitoral, o “I Encontro de mulleres do rural de Culleredo: unha perspectiva interxeracional”, a partir das 19:30 h, organizado dende a Concellaría de Igualdade e o CIM de Culleredo, en colaboración coas asociacións de mulleres do Concello.

O encontro ten como obxectivo o intercambio das experiencias de vida de mulleres de distintas xeracións desde unha perspectiva de xénero, e a reflexión sobre as mesmas. Contará coa participación de varias mulleres vencelladas ao rural de Culleredo, de Carlos Pereira, historiador do Concello, da poetisa Maribel Ortiz e dun trío de guitarras do Conservatorio Municipal de Música.

I Travesía en piragua pola rexeneración da Ría do Burgo

Thu, 20 Oct 2011 16:34:30 GMT

Culleredo, 19 de outubro de 2011.- O domingo 23 ás 12.00h., terá lugar a "1ª Travesía en piragua pola rexeneración da Ría do Burgo” , organizada por ADEGA en colaboración coa Concellaría de Dinamización Local, a AAVV O Noso Burgo, a Confraría de Pescadores da Coruña e das Agrupacións de mariscador@s. O percorrido comezará e rematará na Ponte Románica do Burgo.

Manifestación en Defensa da Ría

Wed, 28 Sep 2011 15:11:39 GMT

Culleredo, 28 de setembro de 2011.- A Plataforma para a Defensa da Ría, na que está integrado o BNG de Culleredo, ten convocata unha manifestación para demandar o seu saneamento e recuperación. A marcha partirá da praza de Europa e rematará no Paseo, nas inmediacións de onde se producíu a verquedura de queroseno á Ría.

I Seminario sobre o Transtorno de Atención e/ou Hiperactividade

Wed, 28 Sep 2011 14:35:06 GMT

Culleredo, 28 de setembro de 2011.- O vindeiro venres 30 de Setembro, ás 19.00 hs, no Conservatorio Profesional de Música de Culleredo, a Concellaría de Sanidade, en colaboración con ANHIDACORUÑA, celebrará o I Seminario sobre o Trastorno de déficit de Atención e/ou Hiperactividade.

Pleno Municipal

Wed, 28 Sep 2011 14:23:11 GMT

Culleredo, 28 de setembro de 2011.- Mañán, xoves 29 de setembro, ás 20.30 h., terá lugar no Salón de Actos do Concello, en Tarrío, o pleno correspondente ao presente mes, no se se tratarán, entre elas dúas mocións sobre a Ría do Burgo e sobre a devolución ao Estado das liquidacións negativas da participación nos seus ingresos.

Actos do Día Mundial contra a Explotación Sexual

Tue, 20 Sep 2011 17:39:46 GMT

Culleredo, 20 de setembro de 2011.- Co gallo da celebración do Día Mundial contra a Explotación Sexual e a Trata, o vindeiro venres 23, dende a Concellaría de Sanidade e Igualdade se organiza para o xoves 22, no Hotel Crunia de Fonteculler, un acto en colaboración con Médicos do Mundo.

Así, ás 17.30 terá lugar a presentación da exposición "Mulleres de vida alegre", e a continuación, ás 18.00, celebrarase unha charla coloquio co lema "Xénero e dereitos humanos".

Para máis información: http://ir.gl/8cdca

Acto sobre a reforma da Constitución

Tue, 20 Sep 2011 17:30:35 GMT

Culleredo, 20 de setembro de 2011.- O vindeiro xoves 22, ás 20.00 horas, celebraremos na Sala de Vídeo do Edificio de Servizos Múltiples d'O Burgo un acto explicativo da postura do BNG ante a reforma constitucional pactada entre o PSOE e o PP, que provocará un grave deterioro dos servizos públicos básicos, aínda maior do que xa están a sofrer.

No acto intervirán Raquel Jabares, portavoz municipal e primeira Tenente de Alcalde, e Carlos Aymerich, portavoz do BNG no Parlamento.

O BNG apoiou en Bruxelas as reclamacións da Confraría da Coruña pola contaminación na ría do Burgo

Mon, 12 Sep 2011 21:49:27 GMT

Culleredo, 12 de setembro de 2011.- A portavoz do BNG, Ana Miranda, estivo cos representantes galegos na Comisión de Peticións, onde conseguiron que a demanda siga aberta e que se envíe unha delegación do Parlamento Europeo a investigar os problemas da depuración das rías no noso país.

O BNG reclama que se solucione a problemática do saneamento da ría do Burgo, e que as administracións con competencias nese saneamento se poñan dacordo, en lugar de eludir responsabilidades e botar culpas unhas a outras, e apoia a manifestación que, en tal sentido, ten sido convocada pola Plataforma para a Defensa da Ría para o vindeiro domingo 2 de outubro.

O BNG urxe a Xunta e o Goberno central a rexenerar inmediatamente a Ría do Burgo

Tue, 06 Sep 2011 18:29:20 GMT

Culleredo, 6 de setembro de 2011.- Ana Luísa Bouza, deputada do BNG no Parlamento de Galiza, e Francisco Jorquera, deputado do BNG no Congreso, acompañados polos portavoces municipais das localidades afectadas pola contaminación da Ría do Burgo (Xosé Manuel Carril pola Coruña, Raquel Jabares por Culleredo, Manuel Sarmiento por Oleiros e Alfredo Rodríguez Abella por Cambre) e de membros da Confraría da Coruña, compareceron esta mañá en rolda de prensa para presentar as últimas iniciativas rexistradas polo BNG en ambas as cámaras.

O BNG denuncia a política "errática" de Feijóo en materia aeroportuaria

Mon, 05 Sep 2011 15:48:51 GMT

Culleredo, 5 de setembro de 2011.- A deputada Carme Adán considera “sorprendente” que o Comité que o propio Feijóo defendeu durante dous anos agora sexa “inútil”

O BNG leva ao Parlamento Galego o grave verquido de queroseno na Ría do Burgo

Mon, 05 Sep 2011 15:50:15 GMT

Culleredo, 5 de setembro de 2011.- O portavoz do grupo parlamentario do BNG, Carlos Aymerich pedirá que se aprobe un Plan especial de saneamento integral da ría ante o verquido de 37.000 litros de queroseno que impide a actividade a mariscadoras e mariscadores no primeiro día de campaña marisqueira

O Concello de Contas critica o modelo de financiamento dos novos centros sanitarios

Thu, 04 Aug 2011 09:53:02 GMT

Culleredo, 4 de agosto de 2011.- O BNG insta a Sanidade a asumir as recomendacións do Consello de Contas sobre o financiamento público-privado dos novos centros de saúde, entre os que se atopa o do Portádego.

Ana Luisa Bouza, deputada do BNG, salienta como o informe do Consello coincide coas denuncias dos nacionalistas de que é un modelo que hipotecará a acción dos próximos gobernos.