Novas
O BNG DE FENE PRESENTA A MOCIÓN EN RELACIÓN CO FUTURO DO SECTOR NAVAL NA RÍA DE FERROL
Fene, 1 de outubro de 2011. Os nacionalistas trasladaran á Xunta de Portavoces do vindeiro luns a moción nacionalista basada nun texto xa consensuado polas forzas parlamentarias galegas.
Condicionar o Plan económico-financeiro ó préstamo do Penso, a última argallada do PP para esquivar o Penso
Cabanas, 30 de setembro de 2011. O BNG observa nas últimas declaracións do rexedor unha saída cara adiante á desesperada
O Grupo municipal do BNG lamenta a posición obstrucionista do Grupo popular, que votou en contra dunha moción urxente que reclamaba a presentación inmediata do Plan económico-financeiro.
Segundo as fontes consultadas, os obxectivos dun Plan económico-financeiro resúmense na necesidade de que o Concello xere un volume de aforro suficiente e estable para compensar o remanente de tesouraría negativo que se produciu en 2010 e mais o que se prevé para o presente 2011. [+]
O PROGRAMA “ARTELLANDO” BUSCA OFERTAR ACTIVIDADES EXTRAESCOLARES AO ENSINO PRIVADO DE FERROL
Ferrol, 30 de setembro de 2011. O grupo municipal do BNG no Concello de Ferrol considera que o goberno local actúa coa máxima de favorecer ao ensino privado e desviar partidas destinadas à potenciación do ensino público a promoción do ensino privado na nosa cidade.
O BNG votou en contra, na comisión de Cultura e Educación, da proposta de bases que rexerán o programa educativo “Artellando” por considerar que a única finalidade que persigue este programa é fornecer aos centros de ensino privados da cidade de actividades extraescolares.
Fica evidente que a finalidade deste programa é a promoción do ensino privado xa que as actividades que se ofertan, para alumnos de primaria, independentemente de que cursen estudos en centros públicos ou privados, figuran tamén incluídas na oferta do programa “Educa-lo Ocio”.
O PLENO RESPALDA, POR UNANIMIDADE, A MOCIÓN DO BNG SOBRE O FUTURO DO SECTOR NAVAL NA RÍA DE FERROL
OS NACIONALISTAS CONSIDERAN QUE ESTE ACORDO CENTRA O DEBATE SOBRE A PROBLEMÁTICA DESTE SECTOR E O SEU FUTURO
Ferrol 30 de setembro de 2011. O grupo municipal do BNG no Concello de Ferrol manifesta a súa satisfacción polo respaldo unánime d,o Pleno á moción presentada sobre o futuro do sector naval na ría de Ferrol, ao considerar que os acordos recollidos e asumidos por todas as forzas políticas da cidade centran o debate sobre as verdadeiras causas da crise deste sector na ría de Ferrol e as liñas de traballo para garantir o seu futuro.
Xoán Xosé Pita, portavoz municipal do BNG, insistiu en que a situación de falla de carga de traballo no sector naval da nosa ría derívase de decisións políticas tomadas contra os intereses dos estaleiros de Fene e Ferrol que impuxeron graves condicionantes e impedimentos ao desenvolvemento dos nosos estaleiros en beneficio das outras factorías do grupo Navantia no Estado español. [+]
MOCIÓN DO GRUPO MUNICIPAL DO BNG EN RELACIÓN CO FUTURO DO SECTOR NAVAL NA RÍA DE FERROL
Narón, 29 de setembro de 2011. O Bloque Nacionalista Galego de Narón ven de presentar unha moción ao pleno deste mes de Setembro, que reafirma unha vez mais a defensa do sector naval na nosa comarca e que pretende exisirlle ás administracións competentes e as forzas politicas responsaveis os compromisos claros e concretos que vinculen as decisións politicas que, no ambito da defensa dos nosos sectores productivos, corresponde aos gobernos central e autonomico. Nunha palabra, que a fraseoloxía á que nos acostuman os representantes comarcais do PSOE e do PP, teñan consecuencia na toma de decisións políticas concretas na defensa da comarca deses partidos en Compostela, en Madrid e, falando como falamos do futuro do naval, tamén nas institucións europeas.
FERNANDO BRANCO, PREGUNTA POLA SITUACIÓN ACTUAL DO PROXECTO
Ferrol, 28 de setembro de 2011. O Bloque Nacionalista galego ven de rexistrar unha iniciativa no Parlamento Galego pola situación administrativa actual do proxecto de construción do Parque Industrial de Leixa e as previsións da súa posta en fucionamento.
O Deputado do BNG, Fernando Branco, lembra que este proxecto comezouse a xestar no ano 2003 cunha superfície inicial de
