Novas BNG Concello Foz

O BNG DE FOZ RECLAMA O XERIATRICO E ACUSA AO PP NA XUNTA DE SECTARISMO POLÍTICO

Mon, 07 Feb 2011 14:48:41 GMT

Foz, 7 de febreiro de 2011.- Foz, 7 de febreiro de 2011.- O BNG ten que manifestar o seu rexeitamento ao trato discriminatorio que a Xunta de Galiza está facendo con Foz no que respecta á dotación da Residencia da Terceira Idade e do Centro de Día. A pregunta é clara e obvia: ¿porque só Foz necesita un estudo para dotala dunha Residencia mentres as demais localidades non? A única razón que pode haber para este trato tan dispar entre localidades da Mariña non é outra que o sectarismo político, posto que todas estas localidades están gobernadas polo PP e Foz non.

O BNG DE FOZ CONSIDERA QUE AS DIRECTRICES DO TERRITORIO CASTIGAN A FOZ RELEGANDOO A UN PAPEL SECUNDARIO E HIPOTECANDO O SEU FUTURO

Tue, 21 Dec 2010 21:27:32 GMT

Foz, 21 decembro de 2010.- O Bloque Nacionalista Galego critica duramente o trato discriminatorio e prexudicial que a Xunta lle da ao Concello de Foz nas Directrices do Territorio, aprobadas provisionalmente o día 16 deste mes polo Consello da Xunta e publicado no DOG do día 20. O BNG lamenta que a Xunta non aceptara ningunha das alegacións que a Corporación de Foz, coa unanimidade de todos os grupos (incluído o propio PP), lle fixera ás Directrices. Ditas alegacións centrábanse principalmente en que Foz fora considerada cabeceira do sistema urbano intermedio e que se recoñeceran os Núcleos de Identidade Litoral que non aparecían no documento inicial.

O BNG denuncia que o PP continúa a marxinar e a castigar a Foz votando no Parlamento contra o Centro de Día e a Residencia.

Thu, 09 Dec 2010 21:30:18 GMT

Foz, 9 de decembro de 2010.- O Bloque Nacionalista Galego denunciou hoxe que na sesión da comisión 5º do parlamento de Galiza, isto é da Comisión de Traballo e de Benestar Social, o Partido popular votou en dúas ocasións contra a construción dun Centro de Día e dunha Residencia da Terceira Idade en Foz tal como se solicitaba en dúas emendas unha presentadas polo BNG e polo Partido Socialista. Segundo explicou o Portavoz nacionalista, Xoán Carlos González Basanta “a proposta do BNG non pretendía outra cousa que facer efectivo o acordo adoptado por unanimidade polo conxunto dos grupos da Corporación de Foz que demandaban que nos orzamentos de 2011 se recollese unha cantidade de diñeiro que posibilitase a a licitación da obra en 2011 e o seu remate no horizonte do 2013”.

O BNG DE FOZ INICIA A CAMPAÑA “FOZ NON SE MERECE ISTO” PARA DENUNCIAR O ABANDONO DO CONCELLO

Sat, 04 Dec 2010 13:49:23 GMT

Foz, a 4 de decembro de 2010.- O BNG iniciou este sábado unha campaña para denunciar o abandono do Concello por parte do Goberno Municipal que está chegando a unha situación de emerxencia en moitos aspectos.A campaña ven motivada fundamentalmente, como di o portavoz municipal do BNG, Xan Carlos González Basanta, porque o pobo de Foz atópase nestes momentos cun grupo de goberno totalmente afastado das demandas veciñais á hora de resolver os múltiples problemas que Foz ten e que fai oídos xordos das continuas advertencias sobre o mal estado do pobo.“O alcalde debe reaccionar xa e actuar para mellorar a imaxe actual de Foz. Non se pode pedir a colaboración dos veciños cando o goberno é o primeiro que non cumpre co seu deber” afirma Basanta.

A CORPORACIÓN DE FOZ DENUNCIA E CONDENA AS ACCIÓNS DO REINO DE MARROCOS CONTRA O POBO SAHARAUI E DEFENDE A SÚA AUTODETERMINACIÓN

Sat, 27 Nov 2010 22:47:35 GMT

Foz, 27 de novembro de 2010.- A Corporación en Pleno do día 25 de novembro acordou condenar a invasión por parte do Reino de Marrocos do campamento saharauí de Agadym Iciq, brindando o seu apoio ao pobo saharaui e defendendo a súa soberanía nacional e a súa autodeterminación.

O BNG DE FOZ VE NECESARIO AMPLIAR A ESCOLA INFANTIL DE FOZ

Tue, 26 Oct 2010 15:04:49 GMT

Foz a 27 de outubro de 2010.- O BNG solicita do Concello e da Xunta de Galiza que se poñan de acordo en ampliar o número de prazas da Escola Infantíl de Foz. Para o BNG, isto sería posible con unhas obras de acondicionamento e mellora da actual Galescola que non suporían demasiados custes.

A proposta de orzamentos de 2011 deixan a Foz sen centro residencial, sen urxencias e sen ambulancia medicalizada

Sun, 24 Oct 2010 13:35:08 GMT

Foz, 25 de outubro de 2010.- O Bloque Nacionalista Galego valora moi negativamente os Orzamentos da Xunta de Galiza, referidos ao Concello de Foz, que ven de presentar o Goberno Galego na medida en que non dan resposta aos problemas centrais do noso Concello e que baixo a escusa do recorte orzamentario provoca que os investimentos públicos pasen de longo polo noso Concello. Segundo o BNG “é de lamentar que volvamos á vella cantinela do Partido Popular con Foz sobre unhas contas públicas nas que Foz non existe e que se converten nunha nova frustración para o noso Concello.

O BNG DE FOZ DEFENDE O MANTEMENTO DO NOITEBUS QUE O PP QUERE SUPRIMIR

Fri, 15 Oct 2010 20:43:09 GMT

Foz a 16 de outubro de 2010.- O PP, a través da Xunta de Galiza, vén de anunciar a súa intención de suprimir ou reducir o servizo de Noitebus. Esta iniciativa, posta en marcha na pasada lexislatura, forma parte das actuacións destinadas a mellorar a seguranza viaria e reducir a sinistralidade, cubrindo as necesidades de desprazamento nocturno da mocidade por toda a Mariña, desde o Vicedo a Ribadeo. Ata o momento funcionan trece rutas que conectan todas as poboacións da Mariña entre si e con outras de fóra da comarca como Vilalba, Meira ou Muimenta. A demanda que rexistrou desde a súa posta en funcionamento dan boa mostra de que é un servizo necesario do que non se pode prescindir.

O BNG DE FOZ RESPONSABILIZA AO ALCALDE NO CASO DAS FACTURAS

Thu, 28 Oct 2010 16:56:37 GMT

Foz,a 12 de outubro de 2010.- O BNG de Foz quere deixar claro que o feito de que existan facturas sen pagar no Concello é responsabilidade exclusiva do Alcalde e do Grupo de Goberno pola mala xestión e o pouco control que están a facer nos gastos e por saltar continuamente os procedementos legais para facelo. O pasado mes de xullo o alcalde levou a pleno un recoñecemento extraxudicial de crédito para pagar unhas facturas procedentes de anos anteriores por un montante de 104.724,45 € e que saíu rexeitada pola maioría do pleno.

O BNG PIDELLE VALOR A BALSEIRO PARA VOTAR NO PARLAMENTO A FAVOR DA CONTRUCCIÓN DA RESIDENCIA DE FOZ

Sat, 09 Oct 2010 15:31:03 GMT

Foz, 9 de outubro de 2010.- O BNG valora moi positivamente a concentración popular de hoxe onde moitas persoas se xuntaron para reclamar un Centro Residencial de Día para Foz, unha vez que había un compromiso por parte da Xunta de facela nos terreos cedidos ao Concello polo Padroado do Asilo.

O BNG DENUNCIA QUE O ALCALDE PAGA AS FACTURAS A QUEN QUER E CANDO QUER

Fri, 27 Aug 2010 16:00:35 GMT

Foz a 27 de agosto de 2010.- O BNG denuncia que o alcalde de Foz e o seu grupo de goberno están a pagar facturas sen ningún tipo de criterio nin de orde de prioridade das mesmas como a lei esixe. Iso é o que se extrae de varios informes de Intervención sobre facturas fiscalizadas con desconformidade durante este ano que afirman que o Concello incumpre a orde de prelación no pago das facturas.

O POL deixa fóra de ordenación en Foz preto de 3.000 vivendas

Tue, 24 Aug 2010 12:52:12 GMT

Foz, 24 de agosto de 2010.- Xoán Carlos González Basanta solicitou hoxe que o que o Director Xeral de Substentabilidade debe explicar con carácter de urxencia as razóns que levaron a Xunta de Galiza a tomar como referencia para elaborar o Plano de Ordenación de Litoral no Concello de Foz un Planeamento que non se corresponde co actualmente en vigor, isto é o recollido nas Normas Subsidiarias aprobadas no 81 e modificadas no 90 para a súa adecuación a LASGA e que foi aprobada pola comisión provincial de Urbanismo. Basanta lembrou que “nas xuntanzas que mantivemos con Borobio os membros da Corporación focega este comprometeuse a recoñecer as bolsas de solo de núcleo rural que estiveran acreditadas no Planeamento e agora nos encontramos que no conxunto do Concello de Foz non existe nin unha bolsa só dese tipo de solo algo que acontece na totalidade dos Concellos de Galiza que procedeu a delimitar os seus núcleos”.

Basanta afirma que Rivera comportase como un comercial non como un Alcalde

Tue, 24 Aug 2010 12:48:09 GMT

Foz, 14 de agosto de 2010.- O BNG quere manifestar o seu rexeitamento á maneira de actuar do alcalde de Foz, o Sr. Rivera, ao romper unilateralmente acordos dos tres grupos da corporación e de gobernar sen respectar as mínimas regras democráticas co fin exclusivamente de defender intereses particulares así como proceder a aumentar os prezos de uso da piscina nun 7% e tentar de aprobar pola porta de atrás o pago dunhas facturas que xa foron rexeitadas no anterior Pleno da Corporación.

O BNG DE FOZ ACUSA AO GOBERNO MUNICIPAL DE CONTINUAR CO DESCONTROL NO GASTO E ADVIRTE DUN PROBLEMA DE FINANCIAMENTO FUTURO.

Tue, 24 Aug 2010 12:47:10 GMT

Foz, 11 de agosto de 2010.- No derradeiro Estado de Liquidación do Orzamento Municipal do Concello de Foz, advírtese que a administración local non recada os ingresos necesarios para atender correctamente os servizos municipais debido, principalmente, a mala xestión económica do grupo de goberno. A pesares das continuas advertencias do BNG e dos servizos de intervención municipal sobre a relaxación existente no control do gasto corrente o Sr. Alcalde e os seus concelleiros seguen a facer a mesma política de feitos consumados. Non existe un control directo e amplo sobre as obras feitas por e para o Concello e ao mesmo tempo non se planifican os gastos en función dos ingresos recadados.

O BNG DE FOZ CONSEGUE QUE O CONCELLO ALEGUE CONTRA AS DIRECTRICES DO TERRITORIO DA XUNTA

Fri, 23 Jul 2010 20:34:25 GMT

Foz, 23 de xullo de 2010.- O Bloque Nacionalista Galego de Foz conseguiu, na Comisión Informativa de Urbanismo celebrada onte, que o Pleno da Corporación alegue contra as Directrices de Ordenación do Territorio, actualmente en fase de aprobación inicial e en fase de alegacións, fundamentalmente para que Foz sexa considerada cabeceira do sistema urbano intermedio e para que se recoñezan os Núcleos de Identidade Litoral que non se contemplan nas directrices.

As Directrices de Ordenación do Territorio da Xunta consideran a Foz unha subcabeceira e impiden edificar en Vilaronte, Forxán, Fazouro, Nois e Cangas

Wed, 07 Jul 2010 11:37:28 GMT

Foz, 8 de xullo de 2010.- O Consello Local do Bloque Nacionalista Galego de Foz acordou na súa xuntanza do pasado luns proceder a solicitar unha modificación das disposicións que as Directrices de Ordenación do Territorio, actualmente en fase de aprobación inicial e xa que logo sometidas á fase de alegacións, establecen para o Concello de Foz, nomeadamente no que teñen a ver coa consideración do referido Concello e por outra banda no relativo aos Núcleos de Identidade Litoral.

O BNG DE FOZ ESÍXELLE AO ALCALDE EXPLICACIÓNS A RAIZ DUNHAS DECLARACIÓNS NO CASO DE CASTRO DE REI

Wed, 23 Jun 2010 19:14:03 GMT

Foz, 23 de xuño de 2010.- Para o BNG resulta realmente moi preocupante que o Concello de Foz fose nomeado no xuízo que se leva a cabo polos presuntos casos de corrupción no Concello de Castro de Rei, cando o enxeñeiro xefe de vías e obras da Deputación testemuñou diante do xuíz de que varios alcaldes da provincia lle encargaban proxectos de obra a prezo de mercado, que logo adxudicaban por un valor superior que podía oscilar entre o 22% e o 50% do valor dos contratos. Segundo as informacións publicadas nalgúns medios, este funcionario da Deputación declarou que por informacións que tiña de certas empresas o alcalde de Foz tamén realizaba estas prácticas.

Os nacionalistas solicitan a comparecencia do Conselleiro de Educación no Parlamento para explicar a situación do centro de Foz

Sat, 19 Jun 2010 15:50:04 GMT

Foz , 19 de Xuño de 2010.- O Bloque Nacionalista Galego denunciou o anuncio que ven de facer a Consellaría de Educación coa que se pretende eliminar varios ciclos formativos no IES de Foz o que vai significar a efectos prácticos o desmantelamento da oferta profesional neste Concello. Segundo o Portavoz Nacionalista Xoán Carlos Basanta “a proposta da Consellaría de aumentar o número mínimo de alumnos/as para abrir un novo grupo dun ciclo formativo, pois pasa de 8 alumnos/as a 12 nas cidades e de 6 a 8 nas vilas representa a efectos prácticos a centralización de ciclos con demanda como os que se imparten en Foz pasen a prestarse nas cidades, o que significa volver a moitos anos atrás cando nos tiñamos que desprazar fóra de Foz para cursar os nosos estudios medios”

O BNG esixe do Goberno Municipal que garanta a celebración das festas no Concello

Thu, 10 Jun 2010 16:02:14 GMT

Foz, 10 de xuño de 2010.- Xoán Carlos González Basanta anunciou hoxe que o seu grupo político solicitará ao Alcalde a documentación xudicial que obra en poder deste en relación que o litixio de Foz mantén coa SGAE e de xeito moi particular a sentencia que ven de dictar a Audiencia Provincial de Lugo.

O BNG SOLICITA NO PARLAMENTO GALEGO UNHA RESIDENCIA E UN CENTRO DE DÍA PARA FOZ

Wed, 09 Jun 2010 15:32:46 GMT

Foz, 9 de xuño de 2010.- O Bloque Nacionalista Galego ven de rexistrar unha proposición non de lei no Parlamento de Galiza para instar ao Goberno Galego a que cumpra o compromiso do bipartito de dotar a Foz dun centro residencial de día con capacidade para 100 residentes en réxime completo e 50 que poidan facer uso do Centro de Día.