Enérxica condena ante a última acción homicida de ETA
Santiago de Compostela, 17 Marzo 10. O Bloque Nacionalista Galego quer expresar a súa máis enérxica condena ante a última acción homicida da banda terrorista ETA, que neste caso causou a morte dun policía francés.
ETA é a expresión dunha violencia irracional que debe desaparecer de vez por constituir a conculcación dos dereitos humanos máis elementais, a comezar polo dereito á vida.
A banda terrorista non ten nengún horizonte distinto que o da súa disolución por concitar o rexeitamento masivo da sociedade.
