Novas BNG Concello Narón

Sigue ao BNG Narón no twitter...

Wed, 29 Dec 2010 20:05:22 GMT

Vídeos do BNG Narón

Wed, 29 Dec 2010 20:24:56 GMT

Podes ver máis vídeos do BNG Narón na nosa canle no Youtube: http://www.youtube.com/bngnaron

BNG critica a falla de previsión e de xestión do Goberno local

Mon, 05 Jul 2010 12:29:53 GMT

A decisión unilateral do goberno local de pechar a piscina e a imposibilidade de solicitar as axudas para o soterramento das liñas centran as críticas dos nacionalistas.

Narón, 6 de xullo de 2010.- a prensa local facíase eco o pasado venres da decisión do Concello de Narón de pechar a piscina municipal no mes de Xullo, así coma do anuncio da imposibilidade de solicitar as axudas para o soterramento das liñas de Alta Tensión pendentes en Narón.

BNG denuncia unha nova chapuza no Goberno local

Wed, 23 Jun 2010 09:26:57 GMT

Dende o goberno local anúncianse as colonias de verán despois de aberto o prazo de inscrición.

Narón, 22 de xuño de 2010.- a prensa local recollía no día de hoxe a presentación, por parte do edil de Medio Ambiente de Narón, Manuel Ramos, das colonias de verán en Aldea Nova e Pedroso; anuncio que non tería maior transcendencia se non fora porque, como ben se recolle na nova, o prazo xa está iniciado dende o pasado día 15.

BNG fai un chamamento á responsabilidade para a gobernabilidade de Narón

Thu, 17 Jun 2010 12:21:34 GMT

Ángeles Díaz mantivo a actitude máis crítica no seo da Comisión Especial de Contratación, Persoal e Especial de Contas.

Narón, 17 de xuño de 2010.- a falla de iniciativas e a situación de parálise na xestión do goberno local naronés víanse reflectidas novamente no desenvolvemento da Comisión Especial de Contratación, Persoal e Especial de Contas.

BNG de Narón solicita a apertura da piscina municipal durante o mes de xullo

Wed, 16 Jun 2010 12:40:59 GMT

Os nacionalistas solicitan a programación de actividades para os nenos e nenas.

Narón, 16 de xuño de 2010.- durante a Comisión de Desenvolvemento da Actividade Social celebrada no día de onte en Narón, o BNG interesábase polo peche da piscina municipal de Narón durante os meses de xullo, agosto e setembro, recollendo así a preocupación de moitos e moitas usuarias que ven limitada a súa oferta de ocio e saúde durante un período que podemos cualificar de excesivo.

Villamar censura a irresponsabilidade dos, ata a data, socios do Goberno de Narón

Tue, 15 Jun 2010 13:07:40 GMT

O portavoz do BNG pide sentido común á hora de xestionar a situación.

Narón, 15 de xuño de 2010.- despois do anuncio da retirada das competencias de goberno a tres edís do Partido Popular de Narón, o Bloque Nacionalista Galego convocou aos distintos medios de comunicación na Casa do Concello para facer as oportunas consideracións da situación.

BNG solicita a xestión pública dos comedores escolares

Tue, 15 Jun 2010 11:09:28 GMT

Os nacionalistas instan á Consellaría de Educación a cumprir coa lexislación vixente e asumir a xestión do servizo.

Narón, 15 de xuño de 2010.- a Comisión da Actividade Social celebrada na mañá de hoxe ditaminaba desfavorabelmente unha moción do BNG ao respecto da xestión dos comedores escolares por parte da Administración.

Villamar manifesta a preocupación do BNG local pola situación de desgoberno en Narón

Tue, 15 Jun 2010 09:02:06 GMT

A comisión de obras foi novamente o escenario das discrepancias entre os membros de TEGA e PP.

Narón, 14 de xuño de 2010.- na mañá de hoxe, tiña lugar no concello de Narón a celebración da sesión ordinaria da Comisión de Obras, Urbanismo e Servizos na que, entre outros asuntos, ditaminábase negativamente unha moción sobre a Estrada de Cedeira cos votos dos integrantes de Terra Galega e a abstención dos socios de goberno do Partido Popular.

BNG de Narón insta á Corporación local a demandar o saneamento integral da ría de xeito urxente

Tue, 15 Jun 2010 09:00:15 GMT

Narón, 7 de xuño de 2010.- na mañá de hoxe, o grupo municipal do BNG rexistraba unha moción, para o seu debate en comisión e posterior ditame polo Pleno de fin de mes, relativa á depuración da Ría de Ferrol.

BNG demanda a participación da Administración na xestión dos comedores escolares

Tue, 15 Jun 2010 08:45:58 GMT

Dende o Bloque Nacionalista Galego proponse como medida excepcional que o concello de Narón xestione os comedores ante unha posíbel negativa da Xunta.

Narón, 4 de xuño de 2010.- a Sala de Xuntas da Alcaldía de Narón acollía na tarde de onte unha sesión do Pleno do Consello Escolar Municipal no que se tratou, entre outros asuntos, a problemática da xestión dos comedores escolares para o vindeiro curso, cuxo debate protagonizou a xuntanza.

Villamar critica os desencontros dos socios do Goberno naronés na Xunta de portavoces

Tue, 15 Jun 2010 08:42:45 GMT

TEGA e PP discreparon sobre o estado da posíbel aportación da Xunta á rede de saneamento de Narón.

Narón, 24 de maio de 2010.- na mañá de hoxe tivo lugar no concello de Narón a sesión ordinaria da Xunta de Portavoces. Entre outros asuntos foi abordado o tema do suposto compromiso da Xunta de Galiza de aportar un millón de euros para a realización dunha parte da rede de saneamento de Narón, punto no que novamente saíron á luz as diferenzas entre os socios de goberno local, integrado por TEGA e PP, despois de que dende o PP se informara de que o pasado 15 de abril o Concello de Narón recibira un escrito da Xunta demandando unha modificación do proxecto, dato que ocultou o alcalde no pasado Pleno, ante unha pregunta do BNG sobre o asunto: “hoxe asistimos a un novo desencontro froito do desgoberno de Narón que prexudica aos veciños e veciñas do concello”- dicía Villamar- “a día de hoxe, non se sabe se os cartos van vir ou non para Narón, polo que dende o BNG esiximos un compromiso da administración autonómica”- demandaba o portavoz do BNG local, aludindo á sinatura dun convenio que dera mostra do dito compromiso e evitar así as actitudes clientelares: “para o Bloque Nacionalista Galego existe unha falla de vontade do Partido Popular, xa que tratan de aplicar unha nova normativa interna que implica facer un proxecto novo”- sentenciaba o edil frontista, concluíndo a súa comparecencia comparando este asunto co novo Centro de Saúde.

O Concello de Narón limita a oferta de ocio para o verán dos nenos e nenas da localidade

Tue, 15 Jun 2010 08:40:13 GMT

Un ano máis, o Concello de Narón opta por non participar da oferta da Deputación da Coruña.

Narón, 7 de maio de 2010.- este verán, e non sendo o primeiro, os nenos e nenas de Narón verán recortada a súa oferta de ocio para o verán, xa que o goberno local optou novamente por non participar dos programas deportivos ofertados pola Deputación provincial para o mes de xullo: o campus de fútbol e os campamentos deportivos.

Villamar lamenta a falla de lealdade institucional entre administracións

Tue, 15 Jun 2010 08:38:33 GMT

O vicepresidente critica o escaso entendemento entre os socios do goberno local.

Naron, 30 de abril de 2010.- a actitude do goberno local volveu centrar as criticas dos nacionalistas despois de que hoxe se coñecera a existencia dun documento polo que o Concello de Naron lanzaba un ultimatum a Xunta de Galiza ante a falla de coñecemento por parte do Concello do proxecto definitivo da mellora da Estrada de Cedeira e na que xa se estan a realizar as obras. E precisamente o avance desta actuacion a que motivou que o Alcalde de Naron nunha misiva a Xunta amenaza con paralizar as obras.

Villamar alerta da afectación do Plan do Litoral en Narón

Tue, 15 Jun 2010 08:34:21 GMT

O documento urbanístico propón deixar «fóra de ordenación» a máis de catrocentas vivendas.

Narón, 29 de abril de 2010.- o vicepresidente da Deputación da Coruña e portavoz nacionalista en Narón, Pablo Villamar, compareceu na mañá de hoxe ante os distintos medios de comunicación para manifestar a preocupación do Bloque Nacionalista Galego da localidade ante as consecuencias do Plan de Ordenación do Litoral presentado pola Xunta de Galiza en Narón, motivo polo cal dende o BNG solicítase o apoio do Pleno do Concello de Narón, que se vai celebrar esta tarde, para que inste á Xunta á retirada do Plan: “dende o Bloque Nacionalista Galego consideramos que este documento elaborado polo goberno galego non responde a criterios axustados á realidade galega”- sentenciou Villamar, quen facía alusión á defensa habitual do urbanismo responsábel por parte do BNG.

O Concello de Narón posicionase en contra do reparto de axudas da Xunta de Galiza a instancias do BNG

Tue, 15 Jun 2010 08:32:32 GMT

A xunta de portavoces ditaminaba favorabelmente unha moción dos nacionalistas que cualifica de ilóxico e de falla de rigor o reparto feito polo goberno galego.

Narón, 26 de abril de 2010.- a Xunta de Portavoces celebrada na mañá de hoxe no Concello de Narón ditaminaba favorabelmente unha moción do Bloque Nacionalista Galego ao respecto das subvencións da Xunta de Galiza aos municipios para a contratación de traballadores e traballadoras desempregados/as para a realización de obras ou servizos de interese xeral e social.

BNG demanda a convocatoria pública de postos de traballo para o Padroado de Cultura

Tue, 15 Jun 2010 08:30:24 GMT

Os nacionalistas acusan ao goberno local de practicar políticas escurantistas e clientelares nas contratacións de persoal.

Narón, 22 de abril de 2010.- o pasado día 30 tivo lugar unha Xunta do Padroado de Cultura no que o goberno local daba o visto bo ao “expediente, gasto e pregos de condicións para a contratación de servizos complementarios no Padroado”, asunto que se aprobaba co voto en contra da representante do Bloque Nacionalista Galego.

BNG pide, unha vez máis, a convocatoria do Consello Escolar municipal

Tue, 15 Jun 2010 08:28:20 GMT

Dende o Bloque Nacionalista Galego censúrase a política de improvisación practicada polo goberno local.

Narón, 21 de abril de 2010.- este martes tiña lugar na Casa do Concello de Narón a celebración dunha sesión ordinaria da Comisión de Desenvolvemento da Actividade Social na que a concelleira do BNG, Antonia Martínez incidiu unha vez máis na necesidade da convocatoria do Consello Escolar Municipal para analizar conxuntamente a problemática educativa dos distintos centros de ensino de Narón cara o próximo curso escolar.

BNG acusa ao Goberno de Narón de hipocresía e de apropiarse das reivindicacións dos veciños e veciñas de Freixeiro

Tue, 15 Jun 2010 08:26:17 GMT

O edil de Urbanismo rexeita unhas melloras propostas polos nacionalistas para logo anuncialas como propias.

Narón, 20 de abril de 2010.- a Comisión Informativa de Obras, Urbanismo e Servizos celebrada o pasado luns no Concello de Narón foi o escenario do desencontro entre o concelleiro delegado da área de Urbanimo e Medio Ambiente, Manuel Ramos e o edil do BNG, Francisco Porto.

BNG de Narón aposta por fomentar un uso cívico e racional do parque do río Freixeiro

Tue, 15 Jun 2010 08:21:36 GMT

O BNG demanda do goberno local sinalización e unha campaña informativa sobre as normas que han de cumprir os usuarios e usuarias.

Narón, 19 de abril de 2010.- o concelleiro do BNG, Francisco Porto, citou aos distintos medios de comunicación nas inmediacións do parque do Río Freixeiro para denunciar “in situ” as carencias da nova zona de ocio de Narón e dar a coñecer as propostas do BNG neste sentido, que se recollen nunha moción que o Bloque Nacionalista Galego presentou no Rexistro Xeral.