Novas BNG Comarca Ourense-O Carballiño

Thu, 29 Apr 2010 09:57:15 GMT

A suspensión do Entroido de Boborás agocha a incapacidade de xestión do PP

Fri, 11 Feb 2011 11:54:40 GMT

Boborás, 11 de febreiro de 2011. O BNG de Boborás considera un grave erro a decisión do alcalde de suspender as festas do Entroido pola crise. Apunta a voceira nacionalista, Maria Dolores Cachafeiro, que o verdadeiro motivo está na incapacidade de xestión froito da recente descomposición do equipo de goberno.

O Entroido de Boborás fora recuperado hai anos polos veciños e veciñas e xa estaba recoñecido en toda Galiza como festa tradicional singular polo que a súa suspensión non pode decidila o alcalde.

O BNG de San Cibrao exixe responsabilidades polos vertidos de Rante

Thu, 10 Feb 2011 10:37:56 GMT

Logo dos importantes vertidos producidos a pasada semana entre as aldeas de Currás e Rante, o BNG de San Cibrao vai exixir que sexa a empresa que fixo as obras de saneamento a que se faga cargo do custe da reparación do sistema de bombeo cuxa paralización foi a que provocou que os vertidos saíran a superfice.

Máis unha vez, a xestión dos vertidos por parte do goberno que preside Elisa Nogueira pode cualificarse de chapuza. Segundo apunta o concelleiro nacionalista, Miguel Álvarez Campos, esta obra de mellora do saneamento Currás-Rante conecta a rede de sumidoiros de parte do pobo de Currás, do hotel e da área de servizo da Autoestrada A-52 coa rede de Rante para verter logo na estación depuradora. A obra rematóuse no ano 2009 e tivo un custe de 270.000 €.

O Plan de Igualdade entre Homes e Mulleres porase en practica no Carballiño

Thu, 10 Feb 2011 10:41:52 GMT

O Carballiño, 9 de febreiro de 2011. O Concello do Carballiño ven de aprobar o Plan de Igualdade de Oportunidades entre Homes e Mulleres. Segundo apunta a concelleira de Igualdade e Benestar, a nacionalista Aurea Francisco, a pesar de vivirmos nunha democracia lamentabelmente hai moitas desigualdades manifestas.

O estudo realizado para a elaboracion do Plan amosou unha situacion de desventaxa para a muller xa que teñen mais problemas para acceder a un posto de traballo, as que traballan fanno como dependentas no sector servizos e nunha sociedade envellecida as mulleres viven nunha situacion mais precaria.

Por outra banda, o estudo destaca que o paro feminino e altisimo e a natalidade moi tardia.

Para loitar contra estes problemas de desigualdade Aurea Francisco aposta por cursos de formacion e pola creacion do Banco do Tempo, entre outras medidas.

Un viveiro de plantas e flores abastecerá os parques do Carballiño

Fri, 28 Jan 2011 12:05:33 GMT

O Carballiño, 26 de xaneiro de 2011. A Concellería de Medio Ambiente do Carballiño vén de por en marcha un viveiro de plantas e flores que posteriormente serán replantadas nos espazos públicos da vila. O concelleiro responsábel desta área, o nacionalista Bernardo García, apunta que a renovación dos xardíns con plantas de tempada supón un gasto moi elevado para as arcas municipais polo que se pensou na creación dun viveiro para cubrir estas necesidades.

Este viveiro está emprazado na Casa do Peón que albergará o Centro de Interpretación da Natureza. Nas instalacións habilitáronse salas para o desenvolvemento de charlas e cursiños. Asemade, a finca do inmoble, unhos 5.000 metros cadrados tamén permitirá a delimitación de parcelas para o cultivo de produtos de horta ecolóxica.

Masiva participación nas mobilizacións convocadas pola CIG o día da folga xeral do 27 X

Fri, 28 Jan 2011 11:43:29 GMT

Os nacionalistas piden que o PXOM se faga público tralas modificacións feitas pola Xunta

Fri, 28 Jan 2011 11:33:27 GMT

Boborás, 19 de xaneiro de 2011. Tralas modificacións efectuadas pola Xunta de Galiza no Plan Xeral de Urbanismo de Boborás, o grupo municipal vai solicitar que se volva facer público dado que sufriu cambios moi importantes. Así, e segundo apunta a voceira nacionalista, Dolores Cachafeiro, moitos veciños e veciñas que pensaban que tiñan propiedades urbanizables se atopen agora con que eses terreos se clasifican como non aptos para urbanizar.

O BNG critica a presión fiscal á que someten aos veciños e veciñas de San Cibrao

Wed, 19 Jan 2011 10:36:42 GMT

San Cibrao, 19 de xaneiro de 2011. O Portavoz nacionalista en San Cibrao, Miguel Álvarez Campos, critica duramente os orzamentos que presenta o Partido Popular para o 2011 xa que se manteñen nos 4 millóns de euros pero a costa de aumentar a presión fiscal aos veciños e veciñas do concello. Para este ano, o catastro vai subir un 12% e o recibo da auga verase incrementado nun 1,8%. A isto hai que sumarlle a subida da taxa pola recollida do lixo, o recibo da luz e outros impostos autonómicos e estatais cos que se está sangrando á cidadanía.

Segundo o BNG, un concello como San Cibrao, que viviu unha bonanza económica pero non soubo xestionar os recursos, non pode pretender que agoran sexan os veciños e veciñas quenes paguen a crise.

Miguel Álvarez Campos apunta que o orzamento non é inversor e que, como en anos anteriores, as partidas máis cuantiosas son a de persoal e gasto corrente.

Guillerme Vázquez visita Manzaneda e lamenta que o centro de día siga pechado

Tue, 21 Dec 2010 11:46:24 GMT

Manzaneda, 12 de decembro de 2010. O Portavoz Nacional do BNG, Guillerme Vázquez, e o alcalde de Manzaneda lamentaron que o centro de día sega sen dar servizo aos maiores do concello. Este centro tiña que ter entrado en funcionamento no mes de febreiro dado que só estaba pendente do mobiliario, porén, a día de hoxe, non hai indicios de que vaia abrir a curto prazo xa que nos orzamentos da Xunta para o ano 2011 non hai ningunha partida consignada para o efecto.

Na súa visita a Manzaneda, Guillerme Vázquez, destacou a mellora na calidade de vida dos veciños e veciñas pola acción do goberno nacionalista que preside David Rodríguez Estévez.

Pola súa banda, o rexedor lamentou o escaso interese que para o goberno de Núñez Feijóo ten Manzaneda, non so polo retraso na apertura do centro de día senón tamén pola falla de colaboración no mantemento da residencia de anciáns que lle está a supor ás arcas municipais unhas perdas de 260.000 € ao ano.

Esixen máis investimentos para a comarca do Macizo

Tue, 30 Nov 2010 10:56:58 GMT

Manzaneda, 30 de novembro de 2010. Os responsábeis nacionalistas na comarca do Macizo, fixeron públicas as emendas presentadas aos orzamentos da Xunta de Galiza. Consideraron insuficientes os 700.000 € orzamentados tendo en conta que se trata dunha zona de montaña con moi malas comunicacións e unha clara falla de servizos públicos.

Segundo apuntou o alcalde de Manzaneda, David Estévez, precisaríanse alomenos 11 millóns de euros para, entre outras actuacións, construir o enlace da estrada de Trives coa Nacional 120, impulsar a futura autovía A-76, mellorar as redes de abastecemento, contruir máis centros de día para os maiores así como plans de selvicultura e outras actuacións relacionadas co medio rural.

Urxe que o goberno de San Cibrao se pronuncie sobre qué medidas tomar ante os vertidos

Tue, 30 Nov 2010 10:34:04 GMT

San Cibrao, 30 de novembro de 2010. O BNG, xunto cos socialistas, pediron a celebración dun pleno extraordinario para que o goberno local que preside a alcaldesa do PP, Elisa Nogueira, se pronuncie dunha vez por todas sobre se quere ou non buscar unha solución á contaminación do rio Barbaña.

Esta petición chega logo de que, a pasada semana, o grupo de goberno se negara a debater a moción presentada polos nacionalistas na que pedían que o Concello de San Cibrao , xunto coa Xunta e o goberno central executasen medidas urxentes para acabar cos vertidos.

Segundo apunta o voceiro nacionalista, Miguel Álvarez Campos, o Partido Popular non pode quedar paralizado ante uns feitos que se repiten con demasiada frecuencia nos últimos tempos como tampouco pode quedar impasíbel ante as multas impostas que acabarán lastrando o futuro económico do Concello.

No Carballiño inician unha campaña de concienciación para a recollida dos excrementos dos cans

Thu, 18 Nov 2010 10:14:40 GMT

O Carballiño, 19 de novembro de 2010. O concelleiro de Medio Ambiente, o nacionalista Bernardo García, puxo en marcha unha campaña de concienciación para que os donos de mascotas recollan os excrementos na vía pública. A campaña consiste na entrega gratuita de bolsas de papel reciclado que se poderán recoller nas clínicas veterinarias do Carballiño e nas propias oficinas da concellaría de Medio Ambiente.

Ante as numerosas queixas veciñais acordóuse recurrir a esta medida para concienciar ás persoas na necesidade de ter unha conduta responsábel cando saen a pasear aos seus animais.

O recibo da auga subirá en San Cibrao pola mala xestión do Partido Popular

Tue, 16 Nov 2010 10:48:55 GMT

O BNG criticou a subida do 1,8% no recibo da auga que os veciños e veciñas de San Cibrao terán que soportar o ano que vén. Miguel Álvarez Campos, voceiro nacionalista, atribue este incremento á mala xestión do equipo de goberno xa que a empresa concesionaria cobra neste concello un 35% máis por cada metro cúbico de auga que en concellos limítrofes onde tamén é adxudicataria do servizo.

Para Miguel Álvarez o que aínda é máis sangrante é que ás empresas emprazadas nos polígonos non teñen que pagar a cota mensual de conservación e mantemento dos contadores que sí deben aboar o resto dos residentes.

Por último, o nacionalista apunta que o Concello vai pagarlle á empresa adxudicataria 450.000 € polo servizo de saneamento sen esixirlle ningún tiò de responsabilidade polos continuos vertidos ao Barbaña

Educación di agora que Barbadás non terá instituto por culpa do Concello

Fri, 29 Oct 2010 11:43:34 GMT

Barbadás, 23 outubro 2010. Despois de que o conselleiro de Educación visitase en setembro do 2009 o Concello de Barbadás, acompañado polo delegado da Xunta, o alcalde e numerosas autoridades do Partido Popular, e se comprometera a iniciar as obras do instituto no primeiro semestre do 2010, agora di que o IES non se pode construir porque o concello non puxo os terreos a disposición da Xunta.

Como xa denunciara o BNG no seu momento, esta visita e outras declaracións feitas polo máximo responsable de Educación, Jesús Vázquez, non foron máis que pura propaganda electoral porque nin hai terreos nin nos orzamentos da Xunta aparece a partida de 4,7 millóns de euros que o conselleiro dixo que se ían destinar á construcción do IES de Barbadás.

Para os nacionalistas estes feitos constitúen unha utilización perversa da capacidade de comunicación do conselleiro de Educación ademais dun uso fraudulento da institución que representa porque minte e engana á cidadanía por motivos electorais.

O pavillón de San Cibrao segue pechado

Fri, 29 Oct 2010 09:30:16 GMT

San Cibrao, 29 de outubro de 2010. O pavillón polideportivo no que se investiron máis de 700.000 € e que xa foi rematado en decembro do 2009 segue pechado. Os veciños e veciñas de San Cibrao seguen sen contar cun espazo para a práctica do deporte anque unha vez que as instalacións se abran ao público saben que non van poder xogar nen ao fútbol nen ao baloncesto porque o pavillón non cumpre coas medidas regulamentarias.

O BNG de San Cibrao criticou dende o primeiro momento que este pavillón, tan ansiado pola cidadanía, non cubría as demandas dos futuros usuarios porque as dimensións non eran as axeitadas para a práctica de disciplinas deportivas moi solicitadas. Asemade, outra das críticas dos nacionalistas centróuse no seu emprazamento que a pesares do rexeitamento veciñal se mantivo pegado á estrada que enlaza coa A-52 e coa estrada Ourense-Celanova co conseguinte perigo para os máis pequenos.

O BNG pide que dimita o goberno de San Cibrao polos reiterados vertidos ao Barbaña

Wed, 27 Oct 2010 11:38:28 GMT

San Cibrao, 27 de outubro de 2010. Os nacionalistas de San Cibrao critican a deixación de funcións por parte da equipa de goberno que preside Elisa Nogueira e por iso solicitan a sua dimisión porque xa que non teñen capacidade para evitar os reiterados vertidos ao rio Barbaña.

O portavoz do BNG, Miguel Álvarez Campos, sinala que se vén demostrando que aos que teñen a responsabilidade de gobernar pouco lles importan os danos medioambientais e as consecuencias económicas que van repercutir nas arcas municipais e que poderían supor a creba do Concello de San Cibrao.

Tamén o grupo do BNG no Parlamento esixiu que se investiguen as deficiencias na depuradora e que se destine orzamento para adaptala ás necesidades que ten que cubrir.

O BNG cualifica de neglixente a política de prevención de lumes de Barbadás

Thu, 16 Sep 2010 10:31:24 GMT

Barbadás, 16 de setembro de 2010

Os nacionalistas critican a pasividade do concello á hora de facer as limpezas e desbroces nas parroquias de Barbadás

O BNG defende os intereses das veciñas e veciños de Nogueira

Thu, 09 Sep 2010 09:46:05 GMT

Nogueira de Ramuín, 09 de setembro de 2010

No pleno ordinario do Concello de Nogueira de Ramuín celebrado o venres 3 de setembro, o BNG a través do seu concelleiro Marcos Tesouro Montecelo na súa quenda de rogos e preguntas, apresentou as seguintes cuestións

Comunicado do BNG-Carballiño sobre a planta de compostaxe

Mon, 06 Sep 2010 12:05:14 GMT

O Carballiño, 6 de setembro de 2010

Dende o Bloque Nacionalista Galego da Comarca do Carballiño e a respecto da concentración silenciosa e pacífica do pasado sábado na Praza Maior de Cea solicitando que non se sitúe no lugar das Fontaíñas a polémica planta de compostaxe queremos manifestar as opinións que explicamos por extendido a seguir.

O Bng cre que a aprobación de solo industrial para Toén obedece exclusivamente a intereses empresariais

Mon, 26 Jul 2010 09:27:49 GMT

Toén, 21 de xullo de 2010

O pleno de Toén debaterá mañá, a partir das 20:00 horas, a aprobación do Plan de Sectorización de solo Industrial a pesares da solicitude por parte do BNG pedindo a súa retirada por considerar que se omitiu información e que se está cometendo unha ilegalidade en caso de ser aprobado.