Novas BNG Comarca Salnés

Outro exemplo da pésima xestión do PSOE da Illa de Arousa

Sun, 11 Jan 2009 18:04:56 GMT

A Illa de Arousa, 1 decembro 08. O PSOE de a Illa volve a dar mostras da sua ineficacia e incapacidade de xestión, perdendo unha subvención da Consellería de Industria e Innovación, gobernada polo BNG, de 47.200 € ( case o 46% do presuposto total da obra ) para levar a electricidade ata o Campo de fútbol da Bouza. Foi a propia Delegada Provincial, Montserrat Prado quen apostou persoalmente por este investimento, pero a cambio, o PSOE deixou pasar o tempo ata quedar fóra do prazo que tiña para rematar e xustificar a obra.

O Plan Sectorial de Vivenda creará, en Cambados, vivenda protexida cun investimento de 3.784.536 € e con novas zonas verdes e equipamentos

Sun, 11 Jan 2009 17:28:53 GMT

Cambados, 19 novembro 08. O BNG de Cambados destaca que o Plan Sectorial de Vivenda creará, no noso concello, vivenda protexida cun investimento de 3.784.536 € e con novas zonas verdes e equipamentos.
Esta iniciativa do nacionalismo, a través da Consellería da Vivenda e Solo da Xunta de Galiza, xerará actividade económica e facilitará a creación de emprego en Cambados.
O Plan Sectorial de Vivenda da Xunta de Galiza que se desenvolverá entre o ano 2009 e o 2017, é unha gran oportunidade para o noso Concello pois permitirá aos veciños e veciñas dispor de 141 vivendas, das cales 116 serán vivendas protexidas a prezos accesibles.

o goberno municipal de Cambados non hai vontade política para atender as demandas e peticións dos veciños e veciñas

Sun, 11 Jan 2009 17:23:34 GMT

Cambados, 17 Novembro 08. Hoxe, desde o goberno municipal do PP de Cambados, deuse resposta oficial á petición do BNG de celebrar un pleno extraordinario no que se trataría a actual problemática na que se encontran os cemiterios parroquiais, así como sobre a posibilidade de construír no futuro un cemiterio público en que dese o servizo axeitado a todos os veciños e veciñas do noso concello.
Non se admitíu a solicitude presentada polo BNG alegando “incumprir o requisito formal para a convocatoria dunha sesión extraordinaria, ao non contar coa maioría necesaria para instar a súa celebración”.
Sabíamos, no momento de presentar a nosa petición no concello, que os tres concelleiros do BNG non serían suficientes para esixir a convocatoria dun pleno extraordinario, pero agardabamos que por tratarse dun tema especialmente importante para os cambadeses e cambadesas, o grupo de Goberno do PP apoiaría e aceptaría a nosa proposta de convocaría de pleno. Vemos, unha vez máis, que desde o goberno municipal de Cambados non hai vontade política para atender as demandas e peticións dos veciños e veciñas, peticións que no caso do cemiterio require unha solución con urxencia.

Nova boletin en novembro do BNG de Meis

Thu, 20 Nov 2008 10:32:30 GMT

Meis, 18 novembro 08. O BNG de Meis vai distribuir un boletin informativo por todas as casas do concello que explica desde unha óptica xeral o que está acontecendo no concello nestes últimos meses onde a suba do IBI non é mais que outro síntoma do mal que van as cousas.
Podes baixar a túa computadora o boletín premendo no arquivo engadido.

O BNG invita á cidadanía de Meis a acudir ao Pleno que se celebrará este martes 25 de Novembro ás 20:30h no que solicitará a paralización inmedita e momentanea do proceso de actualización do catastro.

O BNG do Salnés chama a participar na manifestación da CIG en defensa dun novo modelo económico e social

Mon, 17 Nov 2008 17:17:04 GMT

O Salnés, 12 novembro 08. O Consello Comarcal do BNG do Salnés e os cargos públicos da nosa comarca estarán presentes mañán xoves na manifestación convocada pola CIG en Pontevedra.

Diante da actual situación de crise económica global o BNG considera que a cidadanía non debe quedar pasiva, senó que debe esixir dos poderes públicos que se adopten medidas económicas e sociais que permitan salvagardar os dereitos dos sectores máis desfavorecidos e afectados pola actual situación, ao tempo que se incentivan as actuacións que aposten por unha economía produtiva.

O Concello gasta o que non ten e os veciños pagamos as consecuencias

Mon, 17 Nov 2008 17:12:28 GMT

Meis, 11 novembro 2008. A última actualización do imposto MUNICIPAL do IBI (CON SUBAS DE ATÉ UN 800%) fai xurdir un profundo malestar nos veciños. A isto sumáselle que se están pasando recibos do lixo, da auga e dos sumidoiros con poucos días de diferenza, sen ter en conta que moita xente non pode asumir estes gastos en tan pouco tempo. Por qué os veciños teñen que pagar a pésima xestión do Concello?

Verquido de augas fecais na Illa de Arousa

Mon, 17 Nov 2008 17:07:30 GMT

A Illa de Arousa, 3 novembro 08. Dende fai case dous anos estase a producir na zona de Semuiño un verquido continuado de augas fecais procedentes do Saneamento Municipal.
Os feitos comezaron cando debido a unha avería, os responsables do citado saneamento desviaron as augas fecais a un caño que desemboca en Semuiño. Unha vez solucionado o problema, os verquidos, lonxe de rematar, continuaron facéndose de xeito repetido durante todo este tempo, hasta a actualidade.

O BNG posicionouse en contras das taxas por utilización das instalación deportivas e da piscina municipal

Mon, 17 Nov 2008 17:01:14 GMT

Ribadumia, 10 novembro 08. No pleno celebrado o pasado xoves o Partido Popular de Ribadumia propuxo a aprobación dos regulamentos de uso e taxas pola utilización das Casas de Cultura, Pavillóns polideportivos, campos de fútbol e a piscina de Cabanelas.
No que respeta aos regulamentos de uso o BNG logrou que se introducira, no caso das casas de cultura, un texto para deixar máis claro que o Concello debía respetar o dereito de uso prefente e gratuito que os veciños e asociacions de cada parroquia deben ter sobre as casas de cultura das súas parroquias e no caso dos campos de fútbol solicitamos que se elaborara un Planning para que poida saber a que días e horas se poden solicitar.

O BNG de Cambados solicita un pleno extraordinario para tratar a situación actual dos cemiterios

Mon, 17 Nov 2008 16:54:15 GMT

Cambados, 8 novembro 08. O BNG de Cambados expón que desde hai anos a Parroquia de Cambados ven dirixíndose ao Concello para solicitar que este se faga cargo do mantemento dos dous cemiterios existentes, obtendo unicamente como resposta que o concello se encargará da súa limpeza e mantemento.

O BNG de Cambados solicita que a "Cata das Añadas" se celebre novamente na nosa vila

Mon, 17 Nov 2008 16:48:13 GMT

Cambados, 7 novembro 08. Sendo coñecedores de que no próximo mes de decembro celebrarase una nova edición de cata de viño albariño denominada “cata das añadas” (consistente en facer unha valoración da elaboración de viños especiais que fan moitas adegas da denominación de orixe Rias Baixas) e que nesta ocasión será Pontevedra o lugar designado para a súa celebración, hoxe presentamos no Concello unha solicitude pedindo ao alcalde: ...

A forza da razón sobre do cimeterio de Cambados

Mon, 17 Nov 2008 16:42:33 GMT

Cambados, 7 novembro . Estes días volveu a aparecer nos medios de comunicación a temática da necesidade de que Cambados posúa un cemiterio municipal que poida dar servizo a todos e todas as veciñas do municipio. Que o cemiterio en Cambados sexa un servizo público é unha vella aspiración do BNG e de moitos cambadeses, e desde o grupo municipal levamos moitos anos propoñendo iniciativas para que esta demanda poida converterse nunha realidade.

O BNG da Illa de Arousa pide instalacións para as necesidades da flota mariñeira e bateeira que A Illa ten nestes momentos

Mon, 17 Nov 2008 16:26:39 GMT

A Illa de Arousa. 30 outubro 08. O pasado venres 24 de outubro colocouse a primeira pedra das obras de ampliación do muelle do Cantiño, unhas obras que teñen como única finalidade ofertar instalacións para as embarcacións deportivas, olvidándose por completo das enormes necesidades que a flota mariñeira e bateeira da Illa ten nestes momentos, debido ás carencias e precariedade das infraestructuras actuais do muelle do Cantiño.

Xa podes descargar o novo boletin do BNG de Meis

Mon, 10 Nov 2008 15:59:25 GMT

Meis, 30 outubro 08. O novo número do voceiro do BNG de Meis xa se encontra ao voso dispor.

O BNG aclara con documentos a verdade sobre a modificación da taxa pola recollida do lixo

Mon, 10 Nov 2008 12:08:49 GMT

Sanxenxo, 29 outubro 08. Pero si as vivendas familiares do rural son castigadas pola taxa do lixo para o ano 2.009, non é só este sector de veciños e veciñas o único discriminado polo goberno do PP.
Podemos constatar, segundo o devandito estudo de custes, que os 264 pequenos comercios do concello de Sanxenxo pagaron pola recollida do lixo este ano 2.008 un recibo de 80,75 euros, pois ben, para o ano 2.009 terán que pagar un recibo de 102,20 o que representa unha suba do 26,5 %.

O BNG presenta para a súa contestación no vindeiro Pleno as seguintes preguntas

Mon, 10 Nov 2008 11:54:15 GMT

Cambados, 29 outubro 08. O grupo municipal do Bloque Nacionalista Galego, presenta para a súa contestación no vindeiro Pleno as seguintes PREGUNTAS:
Sendo coñecedor do malestar creado entre os veciños de Castrelo a instalación dunha antena de telefonía móbil no lugar da Valada queremos preguntar

O goberno do PP de Sanxenxo vai subir a taxa do lixo no rural un 11,72%

Mon, 10 Nov 2008 11:24:43 GMT

Sanxenxo, 27 outubro 08. Hoxe celebrouse no Concello a Comisión de Contas, na que se tratou a modificación das Taxas e Impostos municipais que se cobrarán aos veciños e veciñas de Sanxenxo durante o ano 2.009.
O goberno do PP ven de anunciar que, de todos os impostos e taxas, ningún ía a subir por enriba do I.P.C., algunhas por debaixo e mesmamente que algunha quedaría como estaba.

Non hai peor mentira que as verdades a medias!

O BNG de Meis denuncia o estado lamentable da rede de sumidoiros en Zacande e o non funcionamento da depuradora da Baralla

Mon, 10 Nov 2008 11:30:27 GMT

Meis, 5 novembro 08. O BNG de Meis ven de apresentar no rexistro do Concello unha moción polo estado da depuradora da Baralla. Desde o Consello local da formación nacionalista denunciamos que se están vertendo ao río as augas sen depurar, que os cheiros son intolerabeis e que cunha simple observación das augas se pode comprobar como esta depuradora non cumple coas funcións que o goberno popular lle atribue, e que para os nacionalistas nunca foron unha realidade.